Popular Bible Verses from Maqkuv 12

Share

Yeqsur, aqyawf-anr heulof-aer aerkhof naeq-euq mae: “Zanrdawq khofdawq-euq lafkhoer nae uqdzan yawbae dawq-aq heudawq mae. ‘Irsaqleqlav tsawrhaq-or! Narhaq-awq. Aqdui-euq Miqyaer, Sanqpaq Miqyaer tiq ghaq taef-aer Sanqpaq Miqyaer pyeuf-eu mae. Zanrdawq khofdawq uqdzan yawbae dawq-aq, nawq-euq nuima dawqtawvluf, saflar dawqtawvluf, nuinoeq nuidur dawqtawvluf hawr-eu ghaq dawqtawvluf, nawq-euq Sanqpaq Miqyaer-anr gaq-awq.’ Nyiq dawq tiqdawq-aq, ‘Yawqha-euq mawrdo-anr gaq-eu lof-aer, yawqha-euq dawqpae jawr-eu tsawrhaq-anr gaq-awq.’ Dawq heu nyiq dawq taf-aer huiqdzaeq-eu Zanrdawq khofdawq nuideuq maqpar jav mae.”

Yeqsur, aqyawf-euq zaqlanr deuq-anr kurlaf-awr heulof-aer aernaeq-euq mae, “Ngar, nawmaf-anr aqdirma-aer aernaeq nyar, irshaq irtaw miqcoeq miqma heughaq-aq, pyurdamq khar dawvlar-euq tsawrhaq dawqtawv luf-euq myavmaqtser dawv-euq mae. Aqjeq mirnae aernar-aq, nuideuq-aq, ghawqmya’ni jav-eu gar nae yurdov-awr dawvlar-euq mae. Aerkhawf, miqcoeq miqma heughaq-aq, shaq duidui-eu lafkhoer, aqyawf kharjav-eu bifnaeq jir-awr, yawdaef daef-eu gharduq maqtaqni dawvanr jir-euq mae.”

Khoerngae, Yeqsur pyurdamq dawvduq-euq dawrnaq-aer nuir-awr, pyur damqlar-eu tsawrhaq deuq pyurdamq aqjox-aer damq-eu nga laer hawluf-eu mae. Smrmuiq smrbaw ghawqmya ghaq pyur ghawqmya’ni dawvanr-eu mae. Khoerngae, irshaq irtaw miqcoeq miqma tiq ghaq lar-awr, tiq paev poeq-eu guiqshuir marbyav nyiq byav dawvanr-euq mae.

Khoeruqtaf, ‘Nuima dawqtawvluf, nuinoeq dawqtawvluf, saflar dawqtawvluf hawr-eu ghaq dawqtawvluf, aqyawf-anr gaq-awr,’ ‘Yawqha-euq mawrdo-anr gaq-eu lof-aer, yawqha-euq dawqpae jawr-eu tsawrhaq-anr gaq-eu-aq,’ jeqzaq mawrlan-aer dzanpuiv-awr lawrnaeq-eu dawqtawvluf hawr-eu, lawrnaeq-eu nuideuq dawqtawvluf navmaqtser huiqdzaeq-eu mae.”

Khoerngae, Yeqsur aer-eu, “Sanqpaq Gaersaq-euq myawq-aq, sanqpaq Gaersaq-anr bif-awr, Miqyaer-euq myawq-aq, Miqyaer-anr bif-awq.” Khoerngae, aqyawfmaf, aqyawf-anr zanq duidui ler-euq mae.