Popular Bible Verses from Lurkaf 13

Share

“Nawmaf ghovkhaeq yawsuf-anr ya urlerni laejae-awq. Ngar, nawmaf-anr aernaeq nyar, tsawrhaq ghawqmya ghaq urler-eu laer laejae-eu khawf, maq urler nya-ar.

Khoergar, 18 khof byanni naef ur-awr narluf-eu zaqmiq aqbur tiq ghaq jawr-eu mae. Aqyawf dartsuif khof-ir-awr, tiqpawf-iq maq mrcawq nya-a. Yeqsur, aqyawf-anr ya’mawr ngae, kurlaf-awr aernaeq-eu, “Zaqmiq-or! Nawq-euq nargawr-anr nae puirpyaeq naeq-euq ma.”

Yeqsur, aqyawf-euq khoertav aqlaf bafdav ngae, tiqpov taef-aer aqyawf-euq dartsuif mrdawrnya lar-awr, Miqyaer-anr ciqhuiq ciqmanr-eu mae.

Aqcawq-euq maeqnan jawr-eu tsawrhaq deuq-aq, aqcawq-euq maeqhu yajawr-awr, aqcawq-euq maeqhu jawr-eu tsawrhaq deuq-aq, aqcawq-euq maeqnan yajawr taef-a.”

Nymrsanr ghaq tur-awr, larghov piqtaeq shaw-euq nar-aq, nawmaf lafnyir paw yawf-awr, larghov-anr khovkhov-aer danqbae-awr aer taef-a, ‘Sanqpaq-or! Sanqpaq-or! Nga’maf-anr larghov pannaeqlaf sher-eq.’ Khoerngae, ‘Ngar, nawmaf-anr maq siqnya nya. Nawmaf aqgeugar nae lar-euq maqsiq lawr’ laer aqyawf aerkhof naeqlaf taef-a.

Ngar, nawmaf-anr aernaeq nyar, khoerlof-aer maqngeur-a. Nawmaf khawf maq noeqpov maq noeqpar nar-aq, dawqtawvluf khoerlof-aer yacawv-ir taef-a.”

Aerkhawf, aqyawf heulof-aer aernaeq taef-a, ‘Ngar, nawmaf-anr aernaeq nyar, nawmaf aqgeugar nae lar-euq laer ngar maq siqnya nya. Nawmaf yawlaeq yawca kharmr-eu tsawrhaq dawqtawvluf ngar jawr-eu gar nae dov-ir-awq.’

Khoerngae, Yeqsur heulof-aer aer-eu mae, “Miqyaer uvlanr-eu jeq aqgeu jeq-anr dur-eu nga? Ngar aqgeu jeq-anr sheucaev-eu paq nga? Miqyaer uvlanr-eu jeq-aq, tsawrhaq tiq ghaq, ghawqpaf arnuiv yur-awr aqyawf-euq yarkmr-anr saeq-euq gar dur-eu mae. Arnuiv khoer daeflar-awr, arbawq bawqma malar ngae, mqtav zaw-eu arjir deuq uqpyaq-anr banq banqle-eu mae.”