Popular Bible Verses from Ɨ̀fàʼà 2

Share

Pità a kẅùə̀ ambo pobə lo, “Nɨ̀ pə̀ŋə̀ mɨ̀ntɨŋmə̀ ɨ̀mɨghə nfurə̀ amwuə tɨ̀pòŋə̀ ɨwɨghə pɨghə pɨ̀tsùmə̀ nkẅiirə̀ nchyə aŋunə nɨ̀linə̀ Yěsû, mbə̀ʼə Nẅùə̀ â lə̀ənə̀ a tɨ̀pòŋə̀ ɨwɨghə nkɨ ntyaŋə̀ a wɨghə nɨ Àzhwùə̀ e.

A nɨ furə̀ njyə̂ ghu pobə lə̀ tə̂ àtwuə̀ aŋunə mɨ̀nwùə̀ ma nɨ ngàŋə ntwuumə̀ Kristù za lə̀ mənə nnèrə̀ la, mmə mbwuutə̀ pobə pɨ pobə ngɨ̀rə̀ mɨ̀nwùə̀ a àpô moʼo amwuə ɨ̀shwatə̀, mmə mbiʼtə̀ àpaanə̀ nkwurə̀ nkɨ nchàʼtə̀ a Nẅùə̀ a taʼà alyiʼə.

Pobə pɨ̀tsùmə̀ lə̀ lẅenə̀ nɨ Àzhwùə̀ Nẅùə̀, lenəla, ndzùŋə̀ mbìʼnə̀ a nɨ shwəŋnə̀ amwuə ɨ̀shwəŋnə̀ pɨ̀nyaanə tsaʼnə Àzhwùə̀ a lə̀ ŋânə a ghobə nɨ ɨ̀shwəŋnə̀.

Lenəla nkɨ wùutə̀ àzòrə̀ a furə̀ a nɨ̀pwuurə̀ ndzòrə̀ tsaʼa fèrə̀ ntɨ̀ŋnə̀ à wə̀ ndàŋə̀, nkwuunə̀ ndẅenə̀ ndâ ntsùmə̀ nɨ pobə lə̀ nwuunə̀nə amwuə. Pobə lə̀ tyiʼə̀ ndzəənə̀ ɨ̀pwuumə̀ tsaʼa ɨ̀ləəmə̀ ɨ̀mǔ pyə̀ nɨ lə̀ sìimə̀nə, lenəla, nnòntə̀ aŋunə ŋwùə̀ moʼo moʼo. Pobə pɨ̀tsùmə̀ lə̀ lẅenə̀ nɨ Àzhwùə̀ Nẅùə̀, lenəla, ndzùŋə̀ mbìʼnə̀ a nɨ shwəŋnə̀ amwuə ɨ̀shwəŋnə̀ pɨ̀nyaanə tsaʼnə Àzhwùə̀ a lə̀ ŋânə a ghobə nɨ ɨ̀shwəŋnə̀.

Pobə pɨ̀tsùmə̀ lə̀ pə ndèrə̀ a Ndâ Mɨ̀shwàʼà Nẅùə̀ njyə̂ ɨ̀tsùmə̀, mbwuutə̀ mbiʼtə̀ àpaanə̀ amwuə mɨ̀ndâ ɨ̀mobə ngàbə̀ mɨ̀zɨghə̀ ndzɨghə̀ nɨ nɨ̀ghaʼà pobə ntɨŋmə̀ ghù laanə̀nə. Pobə lə̀ mə nguʼtə̀ a Nẅùə̀, mmə nkòŋə̀ mbɨ̀ŋmə̀ ɨ̀zobə. Ndòʼnə̀mbyə̂ a tyiʼə̀ mmə nchwarə̀ a ghobə nkẅìʼnə̀ ndùnə̀ ɨ̀ghobə njyə̂ ɨ̀tsùmə̀.

‘Nẅùə̀ à shwəŋə̀ lo, lə̌ ànwùə̀ nɨ ngǎ ghɨ̀rə̀ amwuə mɨ̀njyə̂ mɨ ndzùmə̀: Ngǎ kẅìrə̀ Àzhwùə̀ mə̀ aŋunə ŋwùə̀ ntsùmə̀. Ɨ̀poonə̀ ɨ̀pɨghə pɨ mbyàŋnə̀ pobə pɨ pə̀ngyə̌ ghǎ chwìitə̀ ntwuumə̀ Nẅùə̀; ngwàswùumə̀ ɨ̀zɨghə ghǎ zəənə̀ mɨ̀nwùə̀ nɨ Nẅùə̀ à wə̀ nnèrə̀, pɨ̀lɨ̀ŋmə̂ ɨ̀pɨghə kɨ ndyə̂ mɨ̀ndzə̀əmə̀ aŋunə ànwùə̀ nɨ Nẅùə̀ à wə̀ nnèrə̀.

Pànə̀ pɨ̀tsùmə̀ nɨ pɨ lə̀ nùŋə̀nə ntɨŋmə̀ aŋunə Yěsû lə̀ mə mbwuutə̀ a taʼà alyiʼə nkɨ mmə mbwuutə̀ ɨ̀pwuumə̀ pobə, àzwuumə̀ àzobə àtsùmə̀ a pə a moʼo. Pobə lə̀ shwùunə̀ ɨ̀pàbə ɨ̀shyə̂, pobə ɨ̀pwuumə̀ ɨ̀pobə ndòo nkabə̀ ghu ntô pɨ tyiʼə̀ ngàpə̀ amwuə pobə a nɨ zùŋə̀ ɨ̀pwuumə̀ pyə̀ nɨ ŋwùə̀ à puŋə̀nə.

Lenəla, ŋwùə̀ wa ntsùmə̀ nɨ à wa nfuŋə̀ nɨ̀linə̀ nɨ Ndòʼnə̀mbyə̂ la à ghǎ chwarə̀.’

Nẅùumə̀ à ghǎ pə̀ŋə̀ tyiʼə̀ ndzùmə, lenəla məŋwɨgrə̀ a pə̀ŋə̀ mbàŋə̀ tsaʼa àləəmə̀ zaʼà maa njyə̂ nɨ̀ghaʼà ngẅùunə Ndòʼnə̀mbyə̂ â pòŋə̀ tô.