Popular Bible Verses from Mk 13

Share

O wu ómɑɑn yi teedø bëne kipe nyingɑ, de ngɑn-ɑ óngïnø gïti keny-ɑ óthumi møgɑni, óyiel.

Koru ri wun, kɑ wu nëën wun kidøøj, mɑ́ keny-ɑ óbëën bøli kenyɑni kwïj yi wun.

Keny-ɑ ómɑɑg wun kɑ wu køøl be gøny, kɑ pëthi wun ko lïngi kipe møg-ɑ ókømmi yi wun. De nyi kwøb wun møg-ɑ ómëggi wun kì bøli kenyɑni, mɑ́ e pɑth ki wun ɑ ókööbø den-ɑ́ Wëykwërø.

Mɑl kí piny ólɑ̈ɑ̈ny, de kwøbbɑ pɑ lɑ̈ɑ̈ny.

“De cyɑ̈ngɑni wɑlɑ̀ sɑɑ̀ menɑni bong ngɑn ngɑ̈nyi gen, cɑgg ɑ́ wëywödd kì mɑl, wɑlɑ̀ Wɑ̈d den-ɑ́ Wïy kete ɑ ngɑ̈nyii.

O keny-ɑ ólïng wun ki kwøbbi liny kí wöddi liny, kɑ pëthi wun ko lïngi, mɑ́ møgɑni bɑ møg bï ceth, de cögi piny nuti.

Kɑ ɑ́rum bëëde kinøw, nëën wun, mɑ́ bøli keny-ɑ óbëën wïi kɑl kwïj yi wun, ócuggø bëënø kì böörø, wɑlɑ̀ dïwɑ̈r, wɑlɑ̀ bɑ̈ɑ̈rø, wɑlɑ̀ mwøl. Nëën wun, o wu ócög wu pɑ yuude, wu onenø. Møg-ɑ köbbɑ wun, köbbɑ’ teedø bëne kinni, nëën wun!”

Mɑ́ jur ópɑ̈ɑ̈r kömi jur-ɑ kyeelø, kɑ pönhï pɑ̈ɑ̈r-ɑ kömi pönh-ɑ kyeelø. Kɑ piny onhɑ̈nhø kì kɑ̈jj mø gïïr. Kɑ kɑ̈j ómɑ̈gø. O møgɑni óbëëd gɑ mwölli orɑng.

De wɑ̈thi jurrì bënn ceg kɑ pwönyø ki wöndøj, e cögi piny nuti bëënø.

Ji mø gïïr óbï ce ge bɑ yɑn, ge ókööbø kinni, ‘Yɑ bene en!’ Kɑ ji mø gïïr peej ge pɑ̈l.

“Kɑ nyingi wun yieb wun kidøøj, mɑ́ wu ópeej sinɑgøgg, kɑ wu pwöd kì yethi sinɑgøgg, o wu ócungi kì bøli modïrr geki rɑ̈nhì kipe nyingɑ, kipe kinni, o møg-ɑ ngɑ̈nyi yi wun töng yi wun kì bøli gen.

Mesiy mø pɑth ki dyër ócwöb, o jøtöng mø pɑth ki dyër ócwöb, kɑ ge onyudhø ki ngïjjì kí gïïngɑ̈ngø, kipe kinni o tyëng-ɑ ɑ́yieny peej gen pɑ̈l, keløg ɑ́ gïn cuggi.

“Kì yethi cyɑ̈nggɑni, kì yij orɑng, cɑ̈ng ólunyi, kɑ bong-ɑ cɑr me kɑ̈ɑ̈l yi dwɑ̈y. Kɑ kyell odyëmø kì mɑl, kɑ gïg-ɑ teg kì mɑl okïïrø.