Popular Bible Verses from Mk 12

Share

Alöggi Yëso kinni, “Cigg-ɑ mɑl bɑ kinni, ‘Lïng yïn ɑ Isrɑil, Wöw Jwøgí, ɑ bɑ Jwøk kete. Mɑɑr Wöw Jwøgí, ki pyëwí bëne, kí wëyí bëne, kí rummí bënn, kí tegí bëne.’ Men ɑ bɑnge bɑ kinni, ‘Mɑɑr ngɑn-ɑ butí ni kɑ̀ mɑɑr rií.’ Bong cigg møøgø mø lod møg ryeet ki döng.”

Kɑ jøbɑnge cwøøle yïe. Kɑ gï köbbe kinni, “Yɑ köbb-ɑ wun kidyër kinni, thwöm-ɑ ɑbuur men, ɑ́muuj ki ngyëny mø lod møg-ɑ ɑ́muuj yi teedø bëne. Mɑ́ tyëngɑni bënn ɑ́muuj ɑ ri gïg-ɑ ɑ́döngi piny kì yï gen, de thwöm-ɑ ɑbuur men, ɑ́muuj-ɑ gïg-ɑ nud kì yïe bënn, gɑ møg di mïdhii.”

Kɑ Yëso pëgg-ɑ piny ree rwööm en ki sɑnduug ngyëny. Kɑ teedø mø gïïr nenne, ge kïdh-ɑ yij sɑndungɑni ki ngyëny. Kɑ tyëngkɑ̈rì mø gïïr kïdh-ɑ yije ki ngyëny mø ngenyø. Kɑ ngɑndhɑjø mɑ thwöm, mɑ ɑbuur obëënø. Kɑ kïdh-ɑ yije ki gïrïc ɑ́ryew.

O kɑ̀ mɑɑr Jwøk yi dhɑnhø ki pyëwe bëne kí rumme bënn, kí tege bëne; kí mɑɑri dhɑnhø ngɑn-ɑ bute ni kɑ mɑɑre ree, møgɑni lod-ɑ gëdhhì geki gïg-ɑ nyi muuj, gɑ møg rɑ̈bbi Jwøk bënn.”

Akööb Yëso kinni, “Keløg ɑ́ kinøw, mëggu jɑmmi Kɑysɑr, Kɑysɑr, kɑ jɑmmi Jwøk mëggu Jwøk.” Kɑ ge ongɑ̈ngø yi møg-ɑ kømmi yi Yëso.