Popular Bible Verses from Mt 27

Share

Keny-ɑ ɑ́wɑ̈nhi sɑɑ̀ ɑ́dɑ̈g kì böörø, ɑcwöddi Yëso, e óryeerø kinni, “Elì, Elì, lɑmɑ̀ sɑbɑktɑnì.” Møgɑni wɑng-ɑ kinni, “Jwøgɑ, Jwøgɑ, yïde ɑ wiy yɑn piny?”

Kɑ sitɑrɑ̀ men-ɑ bɑ gëng kì yij Kengø ópyëdø kì dïdyëre, cɑg kì wïje mɑl gïti tyele piny. Kɑ piny onhɑ̈nhø kɑ tuggi kïttì ópyëdø. Kɑ rörri ji ri gen yieb gen, kɑ jii Jwøk mø gïïr tug kì yij thøø

Kɑ Yëso cig-ɑ ryeerø, ɑmije wɑnge.

Keny-ɑ ɑ́liidh gïn-ɑ ɑ́cwöb kí kër-ɑ ɑ́kïïr piny yi dhɑbïdh geki deny-ɑ kor Yëso, ɑbwøg gen ki mendwøng, kɑ ge okööbø kinni, “Jɑlɑni ce ying-ɑ Wɑ̈d Jwøk kidyër!”

Kɑ piny ree løge muudhø, cɑg kì sɑɑ̀ pyɑ̈rø wïdɑ́ryew kì dicɑ̈ng gïti sɑɑ̀ ɑ́dɑ̈g kì böörø.

Aköbbi gen yi Pilɑtø kinni, “Kɑ̀ bëëde kinøw, ɑ́ gïn ɑ göggɑ Yëso, jɑl-ɑ cwøl ɑ́ Mesiy?” Kɑ ge ólöggø bënn kinni, “Gur wïj yɑdh ɑrïw!” Kɑ Pilɑtø okööbø kinni, “Á kipe ngø? Á ngø ɑ ɑ́rënye?” Kɑ ge óryeerø ki mendwøng kinni, “Gur wïj yɑdh ɑrïw!”