Popular Bible Verses from Mt 19

Share

Aköbbi gen yi Yëso kinni, “Møgɑni pɑ cuggi lwɑ̈ngø yi dhɑnhø, de bong gïn nyi dhɑl Jwøk.”

De ge pɑth ki ji ɑ́ryew këti, de ge bɑ dhɑnhø ɑ́kyel. Gïn-ɑ ɑ́reb yi Jwøk, pɑ cuggi dɑ̈ngø yi dhɑnhø.”

Kɑ ólöggø kinni, “Nuti rɑɑng wun cøn kinni, Ngɑn-ɑ ɑ́cwɑ̈j dhɑnhø kì tyeli mɑl, ɑ́cwɑ̈j-ɑ jɑlø kí dhɑjø? Kɑ Jwøk okööbø kinni, ‘Bene ɑ bɑnge nyi wiy dhɑnhø wïye geki meye, kɑ ómɑ̈gø kì ri cyëge, kɑ ge ogöögø ki ɑ́kyel.’

Kɑ Yëso okööbø kinni, “Wiy othønhø bï gen yïɑ; ge ko mɑ̈ɑ̈n wun, mɑ́ Pödhi Jwøk bɑ mi gen.”

Ji mø ngenyø møg-ɑ ying mɑl ɑnɑn ódøøg cyɑ̈n, o møg-ɑ cyɑ̈n óying mɑl.

Ngɑn-ɑ ɑ́wiy ud, kí nyiimëëg-ɑ cwøw kí mɑ̈nn, kí wïye, kí meye, kí nyige geki pwödhe kipe nyingɑ, óyïddi ki møg lod gen ki tyel miyø, kɑ thödhi ki nënn-ɑ ɑtheer.

Aköbbii yi Yëso kinni, “Keløg yï dwɑdd-ɑ bëëdø yï tir, kedh, kɑ jɑmmí ngeew wɑ̈g, kɑ ngyënyy-ɑ óngeew gen pɑ̈ngí kì kelli tyëng-ɑ ɑbuur, o yï óyïddi ki kɑ̈r kì Pödhi Jwøk, kɑ yï lug bɑngɑ.”

Kɑ gø köbbe kinni, “Á kipe ngø ɑ pëjji yɑn gïn-ɑ døj? Bɑ nget ɑ́kyel kete ɑ døj. De keløg yï dwɑdd-ɑ yïddø ki nënnì, mïdhí Cigg.”

De yɑ köbb-ɑ wun këti kinni, kɑ̈li ɑmɑlø wɑɑng ɑlïbrøw, yööd kibøli kedhi ngetikɑ̈r yij Pödhi Jwøk.”

De yɑ köbb-ɑ wun kinni, ngɑn tɑ̈ng cyëge, e nuti røngø ki jɑlø megø, kɑ ónyömø, jɑlɑni ɑ́røngi. O ngɑn-ɑ ɑ́tɑ̈ng yi en, ɑ́gwøøge ngetorøg.”

Kɑ Yëso jøbɑnge köbbe kinni, “Yɑ köbb-ɑ wun kidyër kinni, kedhi Pödhi Jwøk teeg kipe ngɑn yïe di jɑmmì mø gïïr.