Popular Bible Verses from Lk 3

Share

Keny-ɑ ɑ́rum ji ki jwɑ̈ɑ̈gø bënn yi Jøn, ɑjwɑ̈ɑ̈g Yëso thyew. Kɑ̈ng-ɑ ɑ́bëëd Yëso e ókwɑ̈jjø, ɑyieb mɑl ree. Kɑ Wëykwërø bï-ɑ köme e nɑ ɑkur. Kɑ cwɑg obëënø ge kɑ̈ɑ̈l-ɑ mɑl kinni, “Yï bɑ dïl wɑ̈dɑ; yï mɑɑr yi yɑn ki mendwøng, pyëwɑ med ki yïn.”

Aløøg kwøbbi teedø yi Jøn kinni, “Yɑ jwɑ̈ɑ̈g-ɑ wun ki pï. De dɑ ngɑn megø me bï, me teg kibølɑ, yɑ pɑ døøj ki gønyi wɑrre kì tyelle. Wu ójwɑ̈ɑ̈g yi en kɑ mɑc geki Wëykwërø.

Göög wun ki gïg nyodh kinni wu ɑ́yewi. Kɑ wu ko kööb ki pëthi wun kinni, ‘Abrɑhɑm bɑ kweyi wøn.’ Yɑ köbb-ɑ wun kinni, Jwøk ócuggø kɑ̈ni wɑ̈g kì ri kïttì møg ki kwɑrri Abrɑhɑm.

Dørø ying-ɑ ri tyeli yɑdh ɑnɑn, yɑnh-ɑ pɑ kɑ̈ni ki nywøl mø døøj, ceg kɑ ngøl piny kɑ leeng mɑc.”

Ni kɑ ógwedii kì yij wɑ̈nyi Icɑyɑ̀ jɑltöng kinni, “Dɑ cwɑg møg cwöddi kì yij pɑ̈l kinni, Gwiru yuu Wë. Gwøgu yöö ɑ́ óbödh kipere. Thør kɑ̈jj-ɑ bɑ mɑ̈dd bënn. Kɑ kïttì geki ótøng bënn wɑ̈thi gen pɑ̈ɑ̈r ki piny. Tyeeny yëth-ɑ bɑ ɑ́dud. Kɑ yëth-ɑ bɑ gøngì gwøg ge lïw. O dhɑnhø bëne lïdhe ki yïën-ɑ kɑ̈ɑ̈l yï Jwøk.”