Popular Bible Verses from Luka 3

Share

Ninyia ifuotuni aati 'daŋ batisimo, ette buo fe Yesu ifuotuna. Ninyia homojo inyi, aŋa nyia edou; ette Loholio Olibo ollo owon iko ahuan ihuo awolo isuuna jihonyi tedou. Buo ekiana ette ittuna tedou onno ojio, “Iyye luŋa Lonyi hoŋ, ollo obuor ataji hoŋ; amuno ni iyye bebe.”

Ania, iramaniere Yoane isi 'daŋ jiojio, “Etifuocio ni itai batisimo ta aari, ati ottu adi lobo alla agalik 'to ani. Abeŋ ni ikoddaŋ asiru ihouniere amuha honyi. Ottu adi inyi itifuocio itai batisimo to Loholio Olibo iko te eema.

Ihuo ayyani onno oŋijak 'to aaŋer ihaniete egemita hunne itahutani 'to jio, ihara itai eyyata hatai. Hètteriete ajiaran ta ahuattek hatai jio, ara Abramo ahohonyi hatai. Nyio, eramak ni itai jio, oremik Hollum iduhuna amoruoi huna ette iyyeuna aduri hutto woyo Abramo.

Ihuania, accio atolu ihadde 'yani. Ayyani onno obeŋ 'to oŋijak aŋer hunno oyiji 'to olloŋori adi inyi ette ibironia ihima.”

Ihuo igioroni nyia ibuk ono Isaya ekianani Hollum jio, “Obo latulo elle iwuwoŋita ihidiofo jiojio, ‘Ihuhumana ekoi ono Lamonye itabisana alori honyi! Ijiara luŋa isihani awudorita 'daŋ, ijiara osotoni adoŋiok 'daŋ iko aduleti ifau. Ijiara ekotia 'daŋ hunno okukudoi 'to itabisanie 'tor 'tor, buo fe iliŋoni alori 'daŋ hunno ogoŋie 'to. Igonyuni adi aati 'daŋ etalahuna enne iyaŋuno Hollum.’ ”