Popular Bible Verses from Bl 24

Share

Sư krao khan: “Ơ Kră Yang, Kră Yang 'Bok Kei-Dei yŏng tơ'ngla inh Abraham! Apinh ih ăn kơ inh tơ'bơ̆p tơdrong mă inh chơchă păng tơ'bôh ăn tơdrong 'lơ̆ng Ih kơ Abraham yŏng inh.

Adruh ayơ, mưh inh pơma thoi âu: ‘Apinh ih pơgling ge, asong inh nhă tŏ sĕt,’ na sư tơl thoi âu: He nhă bĕ, na kư̆m lê̆ kơ inh pơnhă ăn kơ aseh lăk-đa ih hai adruh mă Kră Yang wă ăn pơm akăn Isăk, đĭch đam ih păng đơ̆ng noh inh đei băt kơ Kră Yang đei mơnat kơ yŏng tơ'ngla inh boih.”

Isăk chông hloi Rê'bêka mơ̆t tơ lăm bơsŭn Sara, mĕ sư. Iŏk pơm akăn păng 'mêm kơeng kơ sư. Thoi noh Isăk klaih kơ sơ'ngon đơ̆ng rŏng kơ mĕ sư lôch.

Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei, mă-lei ih gô wih brŏk tơ tơring inh kơdih na chă ăn kơ Isăk akăn lăm lu kôn mon adrĕch inh.”