Popular Bible Verses from San Marcos 9

Share

Jesujsis ñʌjayu: ¿Tiyajca'nde' ñʌmba juca muspa'ʌs nyajtzojcu? Iwʌ'sʌj wʌ'aŋjamba, tiyʌtij šunʌ, ndzʌcjapya'ʌs.

Pijche'ctij te' ŋga'e's tyataj weju'c nʌmu: Nwʌ'aŋjamba'ʌsmij. Yajʌcʌ'ja ʌs ndzoco'yojmo ʌs jana wʌ'aŋja'moquiuy.

Tʌjcʌyu Jesús tʌjcojmo y tey ñʌnu'mdzamyaju y quiʌ'aŋwa'quiaju te' quiʌ'aŋmaye'sta'm: ¿Tiyajca'sʌ'ŋdʌs jamyusʌ macputʌtʌs te' yatzi-espiritu? Y ñʌjayaju Jesujsis: Yʌ'šejpʌ yatzi-espiritu ja'n pyuti juca ja'ndʌ oto'ŋʌy Dios y juca ja'ndʌ ayunatzʌqui.

Te' cana jene oyepʌte'. Pero juca te' cana seque'ajpa, ¿Jutza'ndʌ nyajcana'omwʌtzʌcpa? Nʌ'ittamʌ ndzoco'yojmo te' cana wa'mij sʌ'mnayu'c ittamu yʌ'wʌ te'wʌji'ŋ.

Iwʌ's pyʌjcʌchoŋba tumʌc yʌ'šejpʌ chics une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, ja'n na' ʌj pʌjcʌchowe, sino que pyʌjcʌchoŋba te' cʌ'wejupʌ'sʌj.

Wiyuŋše'ʌsmij ndzamjaytyamba: Iwʌ'smij ñchi'tamba yajtya' ušʌc nʌ' ʌs nʌquiʌsi, porque ʌsmijte' ne'ta'm, yʌ'wʌ's ja'n maŋu tyocoyu quioyowa.

Iwʌ's yajcowapa'tpa tumʌc yʌ'šej chicsta'mbʌ, te' wʌ'aŋjambawʌ'sʌj, pyʌcpa wa'y ši'nʌyjayaju mʌja waquiuycha' quiʌnʌcʌ'y y te'šej wa'y tyʌŋdʌjcʌyaju ma'rojmo.

Y juca mis nwitʌ'mismij nyajcowapa'tpa, potztonbutʌ. Más oye tu'maŋdo'tiwʌ wa'mij ñdyʌjcʌyu te' aŋgui'mbamʌy Dios, que ja'nde' metzapʌ nwitʌmji'ŋ wa'mij ñdyʌŋdʌjcʌyaju te' infierno'ojmo