Popular Bible Verses from San Marcos 2

Share

Te'še'a myatoŋu'c Jesujsis, ñʌjayaju: Ca'eta'mbʌ's šuñajpa tzo'yʌ'opyapʌ y ja'nde' cosa'sata'mbʌ's. Jaminʌ'ʌs me'cha justota'mbʌ, sino que te' cowatzʌquita'mbʌ.

Quienu Jesujsis jutz wʌ'aŋja'moyajpa y ñʌjayu te' wocšijpʌ: Tʌwʌy, nyajcotocoyjapya'ʌs mis ŋgowa.

Y ñʌjayajque'tu Jesujsis te' fariseota'm: Te' sabado-jama pʌngotoyate' quiojtu Diojsis pero jachʌcʌ te' pʌn sabado-jamacotoya.

Y ja'n inʌc musi ñu'quiaju ijtumʌy Jesús, porque jene e'tzeyaju inʌc. Te'cotoya pyiŋjejtyaju te' tʌjcʌcopac y chʌcjayaju wyo'. Y teymʌc jyʌ'mwanaquiaju te' cape-ʌŋguy ñʌmiñajupʌcʌsi te' wocšijpʌ.

Te'še'ʌj nʌmu wa'mis mustamu que ʌj, te' Pʌ'nis 'Yune's ijtu'ʌs aŋgui'mʌtʌjcuy najsacopajcʌsi wa'yʌs nyajcotocoyu cowa. Quenwitu'u Jesús y ñʌjayu te' wocšijpʌ: Ʌsmij nʌjapya: Tenaqui'mʌ, pʌcʌ mis ŋgape-ʌŋguy y mawʌ ndʌjcaŋʌ.

¿Tiya'sʌ'ŋde' más fácil wa'ytyʌ ndzʌjcu, wa'ytyʌ nʌjayu te' wocšijpʌ: Nyajcotocoyjapya'ʌs mis ŋgowa, o wa'ytyʌ nʌjayu: Tenaqui'mʌ, pʌcʌ mis ŋgape-ʌŋguy y ca'ŋʌ?

Pijche'ctij tenaqui'mu, pyʌjcu te' quiape-ʌŋguy y tzu'cumu te' wʌwʌta'mbʌ pʌ'nis wyi'naŋdʌjqui. Pijche'ca pa'ŋna ñʌmaya'yaju y myʌja'ŋwʌcotzamyajpa inʌc Dios y nʌmyaju: Nuncamajtʌs jaŋguiendʌ'ʌ yʌ'šej.