Popular Bible Verses from San Marcos 11

Share

Te'cotoya ndzamjaytyamba'ʌsmij, que oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šejmij nwya'coytyamba, maŋbamis mbʌjcʌchoŋdamu.

Wiyuŋše'ʌsmij ndzamjaytyamba que iwʌ's wyʌ'aŋjamba tyumʌtzocoy que maŋba tyujcu 'yaŋgui'mušej y ja'n myetzatzoco'yay, yʌ'wʌ's maŋba 'yaŋgui'mu yʌ' cotzʌc wa'y jyʌcʌ'u tey y wa'y myaŋu ma'rojmo, y maŋba jyʌcʌ'u 'yaŋgui'mušej.

Y oto'ŋʌytyamba'cmis Dios, yajcotocoytyamʌ ndʌwʌ juca tiyʌ'iwʌcʌsimij njyojtʌjcʌyu. Tzʌctamʌ te'šej wa'y tʌ Ndataj tzajpojmo ijtupʌ's yajcotocoyjaquie'tu mista'm ŋgowa.

'Yaŋdzoŋyaju Jesujsis: Nite'tzʌytyamʌ Dios.

Y chamnʌctʌ'yaju y ñʌjayaju: Ja'nja mustame que yʌ'šej ja'yʌyu: Ʌs ndʌc, Dios-oto'ŋʌquiuy tyʌcte' mumu pʌngotoya. Pero mista'm nu'mbawʌ's cha'tʌcše'a mis ndzʌcjaytyamu.

Y te' wyi'na'ŋojmo nʌ myaŋyajupʌ's, y 'yucaŋgʌ'mʌc nʌ quio'ŋyajupʌ's weju'c inʌc nʌmyajpa: Viva. Wʌcotzamda'mitʌy yʌ'wʌ yʌy nʌ minupʌ Diojsis ñʌquiʌsi.

Wʌcotzamda'mitʌy tʌ Ngomi porque maŋba 'yaŋgui'moyu aŋgui'mopyašej inʌc tʌ ndata David. Viva. Yajwʌcotzamya yʌ'wʌ.