Popular Bible Verses from San Mateo 15

Share

Pero te' putpapʌ tiyʌ pʌ'nis 'yaŋnaco'moc, choco'yojmocte' putpa. Te'wʌpit yajyu'cpa ñe' wyin. Porque te' pʌ'nis choco'yojmoc putpa yatzita'mbʌ quipsoquiuy, yajca'oquiuy, cʌtzʌjcʌ'oquiuy, ispʌquitzʌjcuy, nu'mguy, nisujtzʌ'oquiuy y otowewʌ'ajcuy.

Te' tʌjcʌyajpapʌ tiyʌ mis aŋnaco'mo, te'wʌ's ja'nmij nyajyu'qui. Te' pujtyajpapʌ tiyʌ mis aŋnaco'moc, te'wʌ'smijte' nyajyu'cpa.

Yʌ' pʌ'nista'm wʌcotzamyajpa'ʌj 'yaŋnacapit, Pero choco'yojmo ja'nʌj wʌ'aŋjamyay. Y comeque'ʌj cʌna'tzʌyajpa, y wʌ'aŋjamba chʌquiajpa, Porque aŋma'yoyajpa pʌ'nista'm 'yaŋgui'mgupyit wʌcte' inʌc 'yaŋma'yoya wiyuŋšejpʌ aŋma'yoquiupyit.

Pijche'ca aŋdzoŋu te' Jesús, y nʌmu: Tʌwʌy, jenemij nwyʌ'aŋja'mopya. Yajtucʌ mis sunbašej. Pijche'ctij tzojcu te' 'yune.

Ñempe te'šej ñʌjayu, te' yomo minu quiutcʌne'cu Jesujsis wyi'naŋdʌjqui, y ñʌjayu: Señor, cotzowa'ʌj. Y Jesujsis 'yaŋdzoŋu: Ja'n 'yoye wa'ytyʌ nyajʌcʌ'jayu tʌ une'sta'm quiu'tcuy wa'ytyʌ maŋu ndzi'yaju tuwi. Y ñe'cʌ nʌmu: Wiyuŋšej mis ndzamba Señor, pero te' tuwi's pyiŋyajpa wempemaj cʌtupu quiomi's myesa'ojmoc cunbawʌ.