Popular Bible Verses from San Lucas 12

Share

Te'šejtijque' jeque mista'm, nimejcʌyu'c coquendamʌ nwin, porque ja'nmis tiyʌ nʌ ŋguipstamu'c maŋba'ʌj minu, ʌj te' Pʌ'nis 'Yune.

Mejor me'tztamʌ wa'y 'yaŋgui'moyu Dios mista'm ndzoco'yojmo, y te'šej Diojsismij maŋba ñchi'a'ŋʌtʌjtamu mumu yʌ'šejta'mbʌ tiyʌ.

Y ñʌjayaju: Coquendamʌ cuenta, umis aŋsundamu itʌpa'tcuy. Porque wa'y ñʌ'ijtu pʌ'nis wʌwʌ yosquejupʌ tiyʌ, ja'nde' te'wʌ te' quienguy.

Porque jutimʌy ijtu mista'm itʌpa'tcuy, teymʌ maŋba ijtu mista'm ndzocoy.

¿Ijtusʌ'ŋ iwʌjutiwʌ mi'ojmota'm muspapʌ's 'ya'ŋʌyu tumʌ tzumi te' ye'ŋa'cʌ' jene quipsoyu'ŋmʌjcʌ?

Y ñʌjayaju Jesujsis te' quiʌ'aŋmayeta'm: Te'cotoya'ʌsmij ndzamjaytyamba: Uy jene quipstame yʌpyʌ jamacʌtʌjcuy, tiyʌmis maŋba ŋgu'ttamu, ni mista'm ŋgüerpo, jutzmis maŋba mbama'ʌytyamu.

Te'šejmij ŋguioquendamba ñe'cʌ's. Hasta mista'm ŋgopajcojmopʌ nway mumu mayecʌsi ijtu. Uy jeque na'tztame. Masmij nwyʌwʌcoyowata'm que ja'n soneta'mbʌ nama paloma.

Ʌsne' uša'ŋ tu'mʌyajpapʌ ñchowambe, uy na'tztame porque mista'm Ndata's šu'noquiuy wa'mijte' ñchi'tamu aŋgui'mbamʌy Dios.

Quendamʌ te' jo'tita'm, ja'n yajtiyʌ ñipyay, ni ja'n chiquiay. Ja'ndiyʌta'm 'yʌcsicotcuy ni troja, y pyʌ'nʌyajpa Diojsis. ¿Ja'nsʌ'ŋmij más ŋguioyowa'ʌytyamu mij que ja'nde' palomata'm?

Uy jene quipstame jeque, tiyʌ mis maŋba ŋgu'ttamu, o tiyʌ mis maŋba uctamu, ni uy quipstʌjwʌytyame.

Y juca te'šej suñi yajtzocpa Diojsis te' ta'nʌta'm, išo'oyj ijtyajupʌ tza'mo'mo, y jo'pit quiojtyatʌjpa jucʌtʌjcojmo, ¿ja'nsʌ'ŋmij más nwyʌcomʌ'ytyame mijta'm, wa'mij nyajmequia'tamu, ñempemij uša'ŋ nwyʌ'aŋja'moytyamba?

Porque ja'ndiyʌ yajtiyʌ nu'mdij chʌquiajupʌ, juca ja'n maŋu quieju, ni cʌwʌ'nupʌ juca ja'n maŋu myujšaju.