Popular Bible Verses from San Juan 5

Share

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

Quienu Jesujsis yʌ'wʌ ʌŋumʌy, y ñʌctʌ'yu que sone ame'ande' te'šej itpa, y ñʌjayu: ¿Sunba ñchojcu?

Ndacsoctu'ndambamis te' Totojayeta'm porque nwʌ'aŋjamdambamis que te'wʌcʌsi mba'ttambamis te' ja'n yayepʌ quenguy. Te'wʌ'sʌjte' cotestigosajyajpa ʌj, pero ja'nmisʌj suni nwʌ'aŋjamdamu ʌj wa'yʌsmij ndzi'tamu ja'n yayepʌ quenguy.

Jesujsis ñʌjayu: Tzu'cumʌ, pʌcʌ mis ŋgape-ʌŋguy y tu'ŋa. Pijche'ctij tzojcu te' pʌn. Pyʌjcu te' quiape-ʌŋguy y maŋu. Pero sabado-jamate' inʌc.

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.