Popular Bible Verses from Hechos 4

Share

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

Y 'yoto'ŋʌ'yaŋjejyaju'ca Dios, mi'csu te' lugar te' tu'mʌyajumʌy, y pa'ŋna jyo'ʌyaju Espíritu Santo's. Pijche'ca jana na'chcu'ya chamjayaju Diojsis chame.

Y yʌtij Tatay, quena jutz tzamna'tzoyajpa, y jujche'ŋ mis ŋgoyosata'm, mis cotzoŋya wa'y jana na'chcuy chamjayaju mis ndzame.

Mijta'm yoscuy-tyayu, yʌ'wʌ Jesuste' te' tza' jašunʌmis nyajyostamʌpʌ. Yʌ'wʌte' minu yojsu aŋguinʌ tzo'tzcuquiotoya.

Pijche'ca quieñaju que ja'n inʌc ña'chay te' Pedro ni te' Juan, y myujšajpa inʌc que ja'nde' inʌc toto-tayuta'm, iwʌjana'iwʌta'mdijte' inʌc, y maya'yaju. Y ispʌquiatʌju que tiju wyijtyaju Jesusji'ŋ.

Y mumu te' wʌ'aŋja'moyajupʌ tumo'oyjtya'm inʌc choco'yis quipsoquiuy y šu'noquiuy. Y ya'iwʌ inʌc ja'n ñe'tzame, tumo'oyjtya'm inʌc myumutiyʌ.