Popular Bible Verses from MATEO 7

Share

“Kꞌanbeya te Diose jich me ya yaꞌbeyat. Lea te tut ya akꞌane, jich me ya ata ta leel. Kꞌopojan ta tiꞌpuerta, jich me ya sjeꞌbeyat te Diose.

Porke te machꞌa ay tut ya skꞌanbe te Diose, jich ya xꞌaꞌbot yuꞌun, sok te machꞌa ya sle te tut ya skꞌane, jich me ya sta ta leel, sok te machꞌa ya xkꞌopoj ta tiꞌpuertae, jich me ya xjeꞌbot.

“Jaꞌ yuꞌun te machꞌa ya yaꞌiybon sluwaril te jkꞌope sok teme ya spas te tut kaloje, jachik tutꞌil jtul winik te ay spꞌijile. Te kꞌalal la spas sna, la sle pꞌej mukꞌul ton la slijkes a te snae.

“Jaꞌ yuꞌun spisil te tut ya skꞌan awoꞌtanik ya spasbelex yuꞌun te yane, jich me xꞌapasbey euk. Yuꞌun jich ay te tut ya yal te mantaliletik yuꞌun Moises sok te tut yaloj jilel te jꞌalwanejetik yuꞌun te Diose.

Pero te puerta yuꞌun kuxuyinele yub nax te stiꞌile y wokol te sbelele. Ajtabil nax te machꞌatik ya xꞌochik teꞌae.

“Ochanik te ba puerta te yub naxe. Yan te puerta te sbeelel te ya xbajt ta chꞌayele jamal stukel y mukꞌ te sbelele. Bayal genteetik ya xꞌochik bael teꞌa.

Jich te jaꞌexe te ma tsaꞌamuk awoꞌtanike, pero ya anaꞌik yakꞌel te tut lek ta stojol te awuntikilike. Jaꞌuk to xan a te jTatik te ay ta chꞌulchane ya me yaꞌbeyex te tut lek ya akꞌanike.

“Ma me xꞌawichꞌbe jkuenta yaꞌtel te yane. Jich me makꞌ stabeyex ta alel awaꞌtelik ekꞌa te Diose. Jich te tutꞌil ya atabeyik ta alel yaꞌtel te yane, jaꞌ me jich ya stabeyex ta alel awaꞌtelik euk. Te jich yipal ya atabeyik ta alel yaꞌtel te yane, jich me yipal ya stabeyex ta alel awaꞌtelik euk te Diose.

Yan te machꞌa ya yaꞌiybon sluwaril te jkꞌope sok teme ma jichuk ya spas te tut kaloje, jich kꞌoem te tutꞌil jtul winik te ma pꞌijuke la spas sna ta jiꞌileltike.

¿Tuꞌun jaꞌ ya awil te chꞌin kꞌapal te ay ta sit te awermanoe? Yan te mukꞌul trozo te ay ta asite makꞌ awil stukel. ¿Tutꞌil ya akꞌan ya awalbe te awermanoe: “Aꞌbon jlokꞌesbeyat te chꞌin kꞌapal te ay ta asite”, teme ya awute, y jaꞌat ay to mukꞌul trozo ta asit atukel?

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ. Jich me ya anaꞌbeyik sba a yuꞌun te yaꞌtele, jich tutꞌil ya anaꞌbeyik sba te teꞌe yuꞌun te site. Jich te chꞌixetike ma xjuꞌ ya sitintay te tsꞌusube, sok ma jtatik ta kꞌokel ikux ta jpejt chꞌixteꞌe.

Jaꞌ yuꞌun spisil te lekil teꞌe lek sit ya yakꞌ; yan te teꞌ te ma tsaꞌamuke ma lekuk sit ya yakꞌ.

Te lekil teꞌe ma xjuꞌ ya yakꞌ sit te ma tsaꞌamuke. Jich euk te teꞌ te ma tsaꞌamuke, ma xjuꞌ te lek ya yakꞌ site.

Spisil te teꞌ te ma tsaꞌamuk site, ya yichꞌ tsꞌetel y ya yichꞌ chikꞌel ta kꞌakꞌ.