Popular Bible Verses from MATEO 8

Share

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

Te statal-soltaroe la yal: —Kajwal, kꞌax chꞌin ayon ta atojol ya kaꞌi. Jich ma xjuꞌ te ya xbaat ta jnae. Jaꞌ nax teme ya awal mantale, jich me ya xkol te kaj-aꞌtele.

Kꞌalal la yaꞌiybe sluwaril te Jesuse, bayal a aꞌabiyan yoꞌtan yuꞌun. Jich a yalbe te machꞌatik stsꞌakliyejik tale: —Jamal ya kalbeyex: Ni jtuluk jtaoj ta Israel te jich xchꞌuunej yoꞌtan te spisil ya xuꞌ kuꞌune jich tutꞌil te winik to.

Te Jesuse la yalbe bael te statal-soltaroe: —Baan, sujtan bael ta ana. Jich me ya spasbelat te tutꞌil xchꞌuunej awoꞌtane —xyut bael. Te tut ora a yal te Jesuse, jich ora kol te yaj-aꞌtele.

Bayal aꞌabiyan yoꞌtanik yuꞌun te jnopojeletike. La yalik: —¡Tut xan winikil a to, te tsꞌin ya xkom yuꞌun te ikꞌe y asta ya xchꞌuunbot smantal yuꞌun te mare! —xchiik.