Popular Bible Verses from Lucas 9

Share

Ok ni'ëmukë y'ënëmaayëtë: Pën tsyojkpy etsës n'ijxpëjkpë'atëty, wä'än kyë'ëm winma'any tja'atyëkoy ets winjëpom ja wyinma'any mëk tpëjkta'akëty ijxtëm tu'uk ja ja'ay ja kyëruuts tpatsëmyën ko ja y'o'kën t'anëjkxë, ënätës xypyaminëty.

Yë'ë ko pën yajtso'okäämpyën ja jyuukyajtën yajtëkoyäämpy jä'ä; e pën yajtëkoopy ja jyuukyajtën mëët ëjtskyëjxm, yë'ë ja nitsokën pyatäämpy.

Tääts ja Jesús y'ëtsooy: Mëti'ipë ja'ay yajtsajpkaayuupën ets janaam jatsojk y'ijxwinpity, ka'ap jëtu'unpë tsyokyë ma Tios yë kyutujktaknën.

¿Tii ja ja'ay tyajwa'anëty ja jyuukyajtën oy tjamëët'ajta'ay tu'kë'ëyë winë ja naaxwiinypë yajtukjuuky'ätyën, pën kë'ëm nyäyajtëkoyë?

Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënäty myiny mëët ja Tios Teety ets ja wa'ats anklëstëjk ja myëj'ajt y'oyajtën.

Ënät ja Jesús y'ëtsooy: Nikë tää yë wax yë jyut ets joon tää yë pyä'än; yë naaxwiinyëtë ja'ay yë y'U'unk ka'ap tmëëtëty ma kyëpajk tkëxkonëtyën.

ets y'ënëmaayëtë: Pën ya'atë pi'k ëna'k kyupëjkpy ëjtskyëjxm, nän ëjts ënäty xykyupëjkp ets pën xykyupëjkpës, yë'ë näjyëtu'un kyupëjkpy mëti'ipës xykyäjxpën. Pën mutsk näpyëjktakëp ma miitsëtyën, yë'ë mëj najxp.