Popular Bible Verses from Lucas 8

Share

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Tios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Tios tyukmëtsokëtën.

Ja tëëmt mëti'ipë ojts kyä'äyën äpny akujky, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Tios ja y'aaw y'ayuk ets tmëpëktë, je'eyëp ko yë'ëty, yë'ë myëjpëjktaktëp ja nyaax kyamëty yaa naaxwiiny ets ja myeenyëty, xiktëp xoontëp; jëtu'unts yë'ë nyaxtë ijxtëm ja tsajpmokyonën mëti'ipë tëtspën ets ka'ap tyëëm'aty.

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Tios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Ets t'ënëmaay ja y'ijxpëjkpëtëjk: ¿Tii ko mkamëpëktë? Tsë'këtëp ënäty ni'ik ja y'ijxpëjkpëtëjk, ets mëjmëtoy tja'awëtë paaty xim yam nyäy'ënanëtë: ¿Pën ja'ay tëy ya'atënë? Pojpaat mejypyaat myëmëtoowënë ko t'ëne'emy?

Ja tsajpmokpajk mëti'ipë ojts kyä'äyën tu'ujotm, jëtu'un yë'ë ijxtëm ja ja'ayëty mëti'ipë ja Tios ja y'aaw y'ayuk jyamëtoow'ijtëpën; ënät ja mëjku'u pyëjkxëtë ja Tios ja y'aaw y'ayuk ets ka'ap tmëpëktëty, jëtu'un ka'ap nyitso'oktëty.

Näyjyëtu'un, ka'ap tii yu'utsy y'ity mëti'ipë ka'ap yajnijawëtyën, ka'ap tii yajpëjkë'ëky xëmë mëti'ipë ka'ap yajpaatëtyën.

Ko ja to'oxytyëjk t'ijxy ko ka'ap y'oyëty tkuyu'utsëty mëti'ipë të tunyën, tääts ojts nyäkyoxtënaaytyä'äkyë ma Jesús tyeky'ëjxën ets tuk'ëwa'anëy mayjyä'äy wyintum ko yë'ë ënäty të tony ja Jesús ets ënätyë të tsyo'oky. Ënät ja Jesús y'ënëmaayë: Nen, jä'äkyëjxm të mtso'oky koos të xymyëpëky. Nëjkx akujk jotkujk.

Tääts tyujxtë ja Jesús ets t'ënëmaaytyë: Wintsën. Wintsën. Tam nki'ina'anëmë. Ënät ja Jesús pyëti'ky ets mëk'äämpy twinkukajpxëy ja mëkpoj, ënät ja nëë ets ja mëkpoj myoony ets ja nëë kyiiy'a'awëy.