Popular Bible Verses from San Mateo 5

Share

Ne nagano'ctso̱p tu'c ta'cs̈an pa nas̈yacwa'n ca'cpa'tcʉm, nayacp ta'cs̈anyagani'c mit ayé ta'cs̈an iyacp luz pa nu'pʉjʉn tsʉ̱ngapay en ayé tʉjc. Wename-ey lo que inwatcapay, ayé as̈am tu'c luz pa ma e'pca jayajwat. Jemni'c ma e'pca je'jat ni'c inwatcap oy, pa we'n i-oyninʉmgáj Dios Nate̱jat jeme tsʉ̱napay tsajpni'c.

’Mijchat as̈am luz en ayʉ̱́j mundu. Tu'c nʉ'jcopac tsʉ̱napay copacyucuinm ca-oyap itsʉ̱na cuyu'tsic.

’Tsʉ̱ngáj oy jeme limpiuway ijo̱jtat, ni'c je'jat i-e'pcáj Dios.

’Tsʉ̱ngáj oy jeme iwano'jcapay iguiwatcawa'n lo que iyacs̈ta'cway ni'c je'jat Dios iguimajyigáj pa iguiwatcawa'n we'n.

Po ʉ̱ tʉnʉmgʉs̈ap: Wanga inmutsuguijnat mit oyninʉ́mga jeme is̈malninʉmgapay. Wátcaja oy jeme is̈-angapay mit orá̱tcaja jeme is̈apes̈capay mit jeme is̈watcajapay mal.

—Jeme ijawigapay ni'c inesita̱tcap Dios, tsʉ̱ngáj oy ni'c Dios iguimanda̱tcap.

’Tsʉ̱ngáj oy jeme acnicowangʉjʉpay maga-it tsuguin, ni'c je'jat Dios iguiwayjatcáj.

’Tsʉ̱ngáj oy jeme jʉygapay ni'c itunas̈cap, ni'c Dios iguiconsola̱tcáj.

’Tsʉ̱ngáj oy jeme jinap i-actunas̈capay ni'c iwatcap lo que iyacs̈ta'cway, po je'jat tsʉ̱ngap oy ni'c Dios iguimanda̱tcap.

’Tsʉ̱ngáj oy jeme ayo̱wis̈capay ni'c je'jat igui-ayo̱wis̈cámpey Dios.

’Mitsʉ̱ngáj oy cuandu jayajwat is̈tucotscap, is̈po'ctangap mit is̈malninʉmgap mit puru we̱t ni'c ʉ̱ is̈cupʉjcap. Ma ji'jca injo̱jtat may ni'c impʉctsougáj tu'c premiu mʉjway tsajpni'c, ni'c wename-ey ampay jayajwat iguipo'ctángaj ayé profetajat jeme mijnʉ'jcaway.

’Tsʉ̱ngáj oy jeme canimʉjninʉmgʉjʉpay ni'c je'jat ipʉctsougáj ayé na̱s̈ jeme Dios iguimoygámpay.

’Mijchat as̈am ca̱n pa jayajwat en ayʉ̱́j mundu, po te ayé ca̱n cajapa'c, nat i-o'mwa'natu as̈am ca̱n. Caja-oy pa neti, solo oy pa nas̈cucachiwa'n, pa jayajwat ma tute'ní̱jca na̱s̈ni'c. We'ney mijchat, te ingawatcap oy, migaservia̱tcámpey pa neti.

Watca yacs̈ic nu'pʉjʉn ni'c Dios Nate̱jat tsajpni'cway iwatp yacs̈ic nu'pʉjʉn.

Te inyʉmgáj jo̱, nʉmga ni'c jo̱. Mit te inyʉmgáj ca̱j, nʉmga ni'c ca̱j. Ni'c te inyʉmgap más, ayé is̈actunʉmgap ma̱lwayna'.

’Inmaraugawey ni'c inʉmgajau ampay jayajwat: “Te tambʉn is̈watcajap mal, mijchat wátcaja-ey ni-as̈amu.” Po ʉ̱ tʉnʉmgʉs̈ap: Camwatcaja neti jeme is̈watcajámpay mal. Jeme is̈moyta̱jcapay in-a̱jcopacni'c, actu-e'pca jatu'c in-a̱jcopac pi is̈moygaguey jem.

’Jemni'c te in-oyimay wijn is̈actuwatp mal, camja-e'p ayé mal as̈am inchi'tpay inwijn, ni'c más oy pi actogoy tu'c parte incuerpu mit caje' itʉgʉywa'n nu'pʉjʉn incuerpu jʉngʉtʉm. Mit te in-oyimay cʉ' is̈actuwatp mal, mejor camjatutsʉc ayé mal as̈am impus̈tucpay incʉ', ni'c más oy pi actogoy tu'c parte incuerpu mit caje' itʉgʉywa'n nu'pʉjʉn incuerpu jʉngʉtʉm.