Popular Bible Verses from Hechos 5

Share

Mit Pedro mit japu̱t apóstojlat inʉmgajau: —Itp ti tʉs̈jayaumaygawa'n Dios que tʉs̈jayaumaygawa'n jayajwat.

Mit cada s̈ʉjw, te templuni'c o te itʉcmat, catentangawu igui-ajque's̈caja mit iguinʉmdacyo'ygaja Jesucristu i-oyway noticia.

Cʉs̈ Pedro iguinʉjmau: —Ananías, ¿tini'c Awayagatsna' is̈mojy laj ma tʉgʉy injo̱tni'c? Mi̱ impensa̱t is̈we̱twa'n Espíritu Santu, mit inmutan tu'c parte ayé tumi̱n impʉctso̱way de ayé na̱s̈. Antes is̈to'jc ayé na̱s̈, mi̱ inje'. Mit cʉs̈ is̈to'jc, oyapate is̈tuwat ayé tumi̱n tiyu inwampay. ¿Tini'c is̈pensa̱jt is̈watwa'n we'n? Ingawe̱tcʉs̈u jayajwat, solo Dios inwanate is̈we̱twa'n. Cʉs̈ Ananías iguimarajw we'n, ca'u o'guic. Mit ni-apʉ̱tigʉjʉu nu'pʉjʉn jeme imaraugaway lo que iguijatway.

Mit jinap tʉnʉmgʉs̈ap: Nicuidá̱tcʉjʉ mit ayʉ̱́j jayajwat, mit cammunyajca. Te jayajwatu ipensa̱tcau iguiwatcawa'n ayʉ̱́j cosajat, cajatáj neti. Po te Dios i-acchu̱chiu ayʉ̱́j cosajat, ca-oyap is̈actogoyda̱jca. Te inwatcap we'n, casi inmutsuguinwatcap Dios. We'n iguinʉjm Gamaliel.