Popular Bible Verses from Marcos 2

Share

Che' bʌ tsi' yu'bi Jesús iliyi, tsi' su'beyob: —Jiñi c'oc'o' bʌ mach yomobic ts'ʌcʌntel, cojach jiñi c'amo' bʌ, ma'añic tsa' tiliyon cha'añ mic pʌy jiñi tojo' bʌ, cojach xmulilob.

Che' bʌ tsi' q'uele Jesús woli i ñopob ti pusic'al, tsi' su'be jiñi mach bʌ p'ʌtʌlic i yoc i c'ʌb: —Calobil ñusʌbilix a mul, —che'en.

Jesús tsi' su'beyob ja'el: —Jiñi i q'uiñilel c'aj-o melbil cha'añ i wenlel wiñicob x'ixicob. Pero mach melbilobic wiñicob x'ixicob cha'añ mi' yʌq'ueñob i ñuclel i q'uiñilel c'aj-o.

Che' bʌ ma'añic tsa' mejliyob ti c'otel ba'añ Jesús cha'añ ti' caj wen ca'bʌl lac pi'ʌlob, tsi' toc jamʌyob i jol otot ti' chañelal Jesús. Che' bʌ tsa'ix i jamʌyob tsi' ju'sayob ti wʌyib ba' ñolol jiñi mach bʌ p'ʌtʌlic i yoc i c'ʌb.

Cha'añ mi la' ña'tan añ i p'ʌtʌlel i Yalobil Wiñic ila ti pañimil cha'añ mi' ñusan mulil, —tsi' su'be jiñi c'am bʌ—: Mic su'beñet: Ch'ojyen, teche a wʌyib, cucu ti a wotot, —che'en Jesús.

¿Baqui bʌ jiñi t'añ ñumen uts'at bʌ mic su'ben jiñi mach bʌ p'ʌtʌlic i yoc i c'ʌb: “Ñusʌbilix a mul” o che' mic su'ben: “Ch'ojyen, teche a wʌyib, cha'len xʌmbal?”

Jiñi wiñic tsa' ch'ojyi ti ora, tsi' teche i wʌyib, tsa' loq'ui majlel ti' wut pejtelelob; che' jiñi, tsa' toj sajtiyob i pusic'al ti pejtelelob; tsi' tsictesayob i ñuclel Dios. Tsi' yʌlʌyob: —Ma'añic ba' tsa' laj q'uele bajche' jiñi.