Popular Bible Verses from Marcos 14

Share

Jesús tsi' yʌlʌ: Papá, c Tat, ti pejtelel mi mejlel a mel. Loc'sʌbeñon ili wocol, pero mach ma' mel chuqui com, mele chuqui yom a pusic'al, che'en.

Yom yʌxʌl la' woj, cha'lenla oración cha'añ ma'añic mi la' jac' la' pʌyol ti mulil, come la' wom la' mel chuqui uts'at, pero c'uñatax la' bʌc'tal, —che'en Jesús.

Isujm mic su'beñetla, baqui jach mi' sujbel jiñi wen t'añ ti pejtelel pañimil, mi caj i sujbel ja'el chuqui tsi' mele jiñi x'ixic cha'añ mi' ña'tʌntel, —che'en Jesús.

Tsi' su'beyob: —Wen ch'ijiyem c pusic'al, comix chʌmel ti' ch'ijiyemlel, pijtanla wʌ'i, yom yʌxʌl la' woj, —che'en.

Che' bʌ woliyob to ti c'ux waj, Jesús tsi' ch'ʌmʌ waj, tsi' cha'le oración, tsi' xet'e, tsi' yʌq'ueyob, tsi' yʌlʌ: —Ch'ʌmʌla, jiñʌch c bʌc'tal, —che'en.

Ti wi'il tsi' ch'ʌmʌ vaso, che' bʌ tsa'ix i su'be Dios wocolix i yʌlʌ tsi' yʌq'ueyob, tsi' japʌyob ti jujuntiquil. Jesús tsi' su'beyob: —Jiñʌch c ch'ich'el cha'añ jiñi tsijib xuc'ul bʌ t'añ mu' bʌ i bejq'uel cha'añ ca'bʌlob.

Jiñi cha'añ Jesús tsi' su'beyob: —Mi caj i tejchel tilebixel bʌ la' pusic'al ti la' pejtelel cha'añon ti jiñi jach bʌ ac'ʌlel, come ts'ijbubil: “Mi caj c low xcʌntaya, jiñi tʌñʌme' mi caj i pam pujquel”.

Ch'ojyenla, coñixla, awilan, lʌc'ʌl añ jiñi mu' bʌ i yʌc'on ti' c'ʌb j contra, —che'en Jesús.

Jesús tsi' su'be: —Isujm mic su'beñet, ti ili ac'ʌlel che' maxto cha'yajlic tsi' cha'le uq'uel tat mut, uxyajl mi caj a wʌl mach a cʌñʌyoñic, —che'en.