Popular Bible Verses from Mateo 24

Share

Cha'añ ti' caj p'ojlemix ca'bʌl jontolil, mi caj i jilel i c'uxbiya ca'bʌlob. Pero jiñi chʌn xuc'ul bʌ mi yajñel c'ʌlʌl ti' jilibal, mi caj i coltʌntel.

Mi' caj ti sujbel jiñi wen t'añ cha'añ i yumʌntel Dios ti pejtelel pañimil, cha'añ mi' cʌjñel ti' tojlel pejtelel wiñicob x'ixicob, che' jiñi mux i tilel i yorajlel i jilibal.

Mi caj la' wu'bin añ ca'bʌl guerra yic'ot ca'bʌl t'añ cha'añ tal guerra; mach mi la' bʌc'ñan, come wersa mi' caj i yujtel pejtelel jiñi; pero maxto jiñic i jilibal.

Come jump'ejl tejclum mi caj i techob guerra ti' contra año' ti yam bʌ tejclum, juntiquil yumʌl mi caj i tech guerra ti' contra jiñi yam bʌ yumʌl; tal ca'bʌl chʌmel, ca'bʌl wi'ñal yic'ot i yujquel lum ti ca'bʌl lum tac. Ti pejtelel iliyi jiñʌch i cajibal jaxto wocol.

Jiñi panchan yic'ot pañimil mi' caj i jilel, pero jiñi c t'añ mach jilic.

Come ca'bʌl talob tij c'aba', mi caj i yʌlob: Joñoñʌch jiñi Cristo; ca'bʌl mi caj i lotintelob.

Che' jiñi mi caj i yʌq'uetla ti tic'lʌntel, mi caj i tsʌnsañetla, mi caj la' ts'a'lentel ti pejtelel lum cha'añ ti' caj j c'aba'. Ti jim bʌ ora mi caj i tejchel tilebixel bʌ i pusic'al ca'bʌlob. Mi caj i yʌc'ob i pi'ʌlob ti' c'ʌb i contra, mi caj i ts'a'leñob i bʌ. Mi caj i tejchel ca'bʌl lot bʌ x'alt'añob, mi caj i lotin ca'bʌlob.

Jesús tsi' jac'beyob: —Chʌcʌ q'uele la' bʌ cha'añ ma'añic mi la' lotintel.

Jiñi cha'añ, yom chajpʌbiletla ja'el; come tal i Yalobil Wiñic ti' yorajlel che' mach yʌxʌlic la' woj.

Yom yʌxʌl la' woj che' jiñi, come mach la' wujilic baqui ora mi' caj i tilel la' Yum.

Ma'añic majqui yujil baqui bʌ q'uiñ baqui bʌ ora mi caj i yujtel jiñi, mi jiñic ángelob ti panchan, [mi jiñic i Yalobil,] jiñi jach c Tat yujil.

Come mi caj i tejchel xlot bʌ Cristo, yic'ot xlot bʌ x'alt'añob, mi caj i pʌsob ñuc tac bʌ i yejtal i p'ʌtʌlel, yic'ot bʌbʌq'uen tac bʌ, cha'añ mi' lotiñob jiñi yajcʌbilo' bʌ, mi tsa' mejli.

Che' bajche' tsa' ujti ti yorajlel Noé, che' lajal mi caj i tilel i Yalobil Wiñic. Che' maxto añic tsa' tili but'ja', tsi' cha'leyob we'el, tsi' cha'leyob uch'el, tsi' cha'leyob ñujpuñijel, tsi' sijiyob i yalobil, jinto ti jiñi q'uiñ che' bʌ tsa' ochi Noé ti barco. Ma'añic tsi' ña'tayob mi añ chuqui mi' caj ti ujtel jinto tsa' tili jiñi but'ja' tsa' bʌ i laj jisayob. Che'ʌch mi' caj i yujtel ja'el che' mi' tilel i Yalobil Wiñic.