Popular Bible Verses from Lucas 3

Share

Che' bʌ tsi' ch'ʌmʌyob ja' pejtelel wiñicob x'ixicob, tsi' ch'ʌmʌ ja' Jesús ja'el. Che' woli' pejcan Dios ti oración, tsa' cajli panchan, tsa' ju'bi tilel jiñi Ch'ujul bʌ Espíritu ba'añ Jesús, che' yilal che' bajche' x'ujcuts. Tsa' tili t'añ ch'oyol bʌ ti panchan. Tsi' su'bu: “Jatet Calobil mu' bʌ j c'uxbin. Ti a tojlel mi cu'bin c tijicñʌyel”, che'en.

Juan tsi' su'beyob ti pejtelelob: —Joñon ti isujm mi cʌq'ueñetla ch'ʌmja', pero tal jiñi ñumen p'ʌtʌl bʌ bajche' joñon. Mach ñucoñic cha'añ mic ticben i ch'ajñal i warach. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Melela toj bʌ la' melbal mi woli la' cʌy la' mul. Mach mi la' wʌl ti la' pusic'al: “Jiñʌch c tat lojon Abraham”. Come mic su'beñetla, Dios mi mejlel i pʌntesan jiñi xajlel tac ti yalobilob Abraham.

Che' ja'el, wʌle ac'bil jacha ti' ye'bal te'. Pejtelel jiñi te' mach bʌ añic mi' yʌc' wen bʌ i wut mi' sejq'uel yic'ot mi' chojquel ochel ti c'ajc, che'en Juan.

che' bajche' ts'ijbubil ti' juñ jiñi x'alt'añ Isaías. Tsi' yʌlʌ: “I t'añ juntiquil wiñic mu' bʌ i cha'len c'am bʌ t'añ ti jochol bʌ lum: Chajpanla i bijlel lac Yum. Toj-esanla majlel toj bʌ la' bijlel. Pejtelel jiñi c'omol tac bʌ lum mi' caj ti bujt'intel, pejtelel wits yic'ot bujbujtʌl mi' cajel ti ju'bel; jiñi c'ochol metel tac bʌ bij mi' caj ti toj-añ, yic'ot jiñi bulul bexel tac bʌ bij pamacña mi caj i majlel. Pejtelel wiñicob x'ixicob mi caj i q'uelob jiñi xColtaya woli bʌ i choc tilel Dios”. Che'ʌch ts'ijbubil ti' juñilel Isaías.