Popular Bible Verses from Juan 7

Share

Jiñi mu' bʌ i ñopon, che' bajche' mi' yʌl i Ts'ijbujel Dios, oñ mi' caj i wʌjlel loq'uel cuxul bʌ ja' ti' pusic'al, che'en.

Che' ti' yujtibal jiñi ñuc bʌ q'uiñijel, Jesús tsa' wa'le, c'am tsi' cha'le t'añ, tsi' yʌlʌ: —Mi añ majqui añ i tiquinti', la' tilic ba'añon, la' i jap ja'.

Jiñi ja' jiñʌch jiñi Espíritu mu' bʌ caj i yʌq'ueñtelob jiñi mu' bʌ i ñopob, come maxto añic tsa' aq'uentiyob Ch'ujul bʌ Espíritu, che' ja'el maxto añic tsa' aq'uenti i ñuclel Jesús.

Mach mi la' lon ña'tan woli la' cʌmben i pusic'al la' pi'ʌlob cha'añ chuqui jach mi la' q'uel ti' tojlel, ña'tanla ti toj chuqui mi la' ña'tan, che'en.

Jiñi mu' bʌ i cha'len t'añ ch'oyol bʌ ti' bajñel pusic'al woli jach i bajñel sʌclan i ñuclel, pero jiñi mu' bʌ i tsictesan i ñuclel c Tat tsa' bʌ i chocoyon tilel, jiñʌch isujm bʌ; ma'añic chuqui mach tojic ti' pusic'al.

Jesús tsi' jac'beyob: —Jiñi j cʌntesa mach c cha'añic, i cha'añʌch jiñi tsa' bʌ i chocoyon tilel.

Wiñicob x'ixicob i cha'año' bʌ pañimil mach mejlic i ts'a'leñetla; pero joñon mi' ts'a'leñoñob come mic tsictesʌbeñob jontol bʌ i melbal.