Popular Bible Verses from Juan 6

Share

Jesús tsi' su'beyob: —Joñon jiñi waj mu' bʌ i yʌq'ueñetla la' cuxtʌlel, jiñi mu' bʌ i tsajcañon ma'añic ba' ora mi caj i yu'bin wi'ñal, jiñi mu' bʌ i ñopon ma'añic ba' ora mi caj i tiquin i ti'.

Jiñi Espíritu jiñʌch mu' bʌ i yʌq'ueñonla laj cuxtʌlel; lac bʌc'tal ma'añic chuqui mi' yʌq'ueñonla, jiñi c t'añ tsa' bʌ c su'beyetla i cha'añʌch la' ch'ujlel, yic'ot mi' yʌq'ueñetla la' cuxtʌlel.

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Come jiñi yom bʌ c Tat tsa' bʌ i chocoyon tilel jiñʌch cha'añ pejtelel mu' bʌ i q'uel i Yalobil Dios, yic'ot mu' bʌ i ñopob mi' tajob i cuxtʌlel mach bʌ añic mi' jilel; joñon mi caj c techob ch'ojyel ti jiñi cojix bʌ q'uiñ, —che'en Jesús.

Jesús tsi' jac'beyob: —Jiñʌch i ye'tel Dios, che' mi la' ñop i Yalobil tsa' bʌ i choco tilel, —che'en.

Pejtelel wiñicob x'ixicob mu' bʌ i yʌq'ueñon c Tat mi caj i tilelob ba'añon, majqui jach mi' tilel ba'añon ma'añic mi caj c choc loq'uel.

Simón Pedro tsi' jac'ʌ: —C Yum, ¿am ba yam bʌ mu' bʌ mejlel tsajcan lojon majlel? Come jatet jach ma' su'b jiñi t'añ cha'añ mic taj lojon j cuxtʌlel mach bʌ añic mi' jilel.

Joñoñʌch jiñi cuxul bʌ Waj tsa' bʌ ju'bi tilel ti panchan, mi añ majqui mi' c'ux ili Waj, chʌn cuxul ti pejtelel ora; jiñi Waj mu' bʌ cʌc' jiñʌch c bʌc'tal, mu' bʌ cʌc' cha'añ i cuxtʌlel jiñi año' bʌ ti pañimil.

Ma'añic majqui mi mejlel i tilel ba'añon, jiñi jach mu' bʌ i pʌjyel tilel cha'añ c Tat tsa' bʌ i chocoyon tilel, joñon mi caj c tech ch'ojyel ti jiñi cojix bʌ q'uiñ.

Come jiñi waj ch'oyol bʌ ti Dios, jiñʌch tsa' bʌ ju'bi tilel ti panchan mu' bʌ i yʌq'ueñob i cuxtʌlel jiñi año' bʌ ti pañimil, —che'en Jesús.

Joñoñʌch jiñi Waj mu' bʌ yʌq'ueñetla la' cuxtʌlel.

Jesús tsi' ch'ʌmʌ jiñi waj, che' bʌ tsi' su'be wocolix i yʌlʌ Dios, tsi' yʌq'ueyob xcʌnt'añob; jiñi xcʌnt'añob tsi' pucbeyob jiñi buchulo' bʌ, che' ja'el jiñi chʌy tsi' c'uxuyob bajche' c'amel yomob. Che' ñajobix, Jesús tsi' su'be xcʌnt'añob i cha'añ: —Laj tempanla i xujt'il tac tsa' bʌ colojbaji cha'añ ma'añic mi' sajtel mi ts'ita'ic.

Che' bʌ tsa'ix i ñijcayob majlel barco che' bajche' jo'p'ejl o wʌcp'ejl kilómetro, jiñi xcʌnt'añob tsi' q'ueleyob Jesús, woli' cha'len xʌmbal ti' pam ja', woli i lʌc'tesan tilel i bʌ ba'añ barco, tsi' cha'leyob bʌq'uen. Jesús tsi' su'beyob: —Joñoñʌch; mach la' cha'len bʌq'uen, —che'en.