Popular Bible Verses from MATAIO 5

Share

Lamepa idia gabua neganai, maua ena henunai do idia atoa lasi, to lamepa gabuna dekenai do idia atoa, vadaeni ena diari be ruma taudia ibounai do idia itaia. Umui emui diari taunimanima edia vairana dekenai unai bamona do umui hedinaraia, vadaeni umui emui kara namodia do idia itaia neganai, umui emui Tamana guba dekenai do idia hanamoa.

“Umui be tanobada taudia ibounai edia diari. Ororo dekenai ia noho hanua be ia hunia diba lasi.

“Edia lalona goevagoeva taudia be idia namo, badina idia ese Dirava do idia itaia.

“Dirava ena kara maoromaoro idia ura dikadika idia karaia taudia be idia namo, badina be Dirava ese boga kunu do ia henidia.

To lau ese umui lau hamaoroa, umui dekenai idia badu henia taudia do umui lalokau henia, bona umui dekenai idia dagedage henia taudia dainai do umui guriguri.

“Hekokoruku lasi momokani taudia be idia namo, badina Guba Basileia be idia edia.

“Taunimanima huanai maino idia karaia taudia be idia namo, badina be Dirava ese do ia gwauraia idia be iena natuna.

“Tai noho taudia be idia namo, badina Dirava ese do ia hanamodia.

“Dirava ena kara maoromaoro idia karaia dekena amo hisihisi idia abia taudia be idia namo, Guba Basileia be idia edia.

“Bogahisihisi henia taudia be idia namo, Dirava ena bogahisihisi do idia davaria.

“Bema egu murinai umui raka dainai idia hadikaia umui, bona idia hisihisi henia umui, bona hereva dika mai koikoi danu idia gwauraia loaloa umui totona lau dainai, umui danu namo. Umui moale bada momokani, badina emui davana guba dekenai ia bada, badina be unai bamona danu, peroveta taudia gunadia be taunimanima ese idia dagedage henia.

“Dagedage lasi taudia be idia namo, badina tanobada do idia abia.

“Umui be tanobada taunimanima edia damena. Bema damena ena mamina ia ore, dahaka ese iena mamina do ia havaraia lou? Ia be namo lasi gauna, vadaeni taunimanima ese dohore idia negea, bona edia aena dekenai do idia moia loaloa.

Unai dainai umui be do umui maoromaoro momokani, umui emui Tamana guba dekenai ia noho ia maoromaoro momokani bamona.

Unai dainai inai bamona oiemu hereva do oi gwauraia, ‘Oibe’ sibona, o ‘Lasi’ sibona. Hereva haida ma oi gwauraia be Satani dekena amo idia mai.

“Umui kamonai vadaeni, idia hamaoroa, idia gwau, ‘Matana ena davana be matana, isena ena davana be isena.’ To lau ese umui lau hamaoroa, umui dekenai dika ia karaia tauna ena dika davana umui henia lasi. Bema oiemu vairana idiba kahana be tau ta ese ia botaia neganai, oiemu vairana lauri kahana danu oi henia ia botaia be ia namo.

“Oiemu matana idiba kahana ese bema kerere ia havaraia oi dekenai, oiemu imana dekenai oi kokia, oi negea momokani, badina oiemu tauanina ena kahana ta bema ia boio be ia dika sisina, to oiemu tauanina ibounai lahi ia araia gabuna dekenai do idia negea vareai, be ia dika herea momokani. O oiemu imana idiba kahana ese bema kerere do ia havaraia oi dekenai, oi utua, oi negea momokani, badina be oiemu tauanina ena kahana ta do ia boio be dika sisina, to oiemu tauanina ibounai lahi ia araia gabuna dekenai do idia negea vareai, be ia dika herea momokani.