Popular Bible Verses from MATAIO 4

Share

To Iesu ia haere, ia gwau, “Buka Helaga lalonai ia torea vadaeni, ‘Aniani sibona dekena amo taunimanima do idia mauri lasi, to Dirava ena uduna dekena amo idia mai hereva ibounai ese mauri ia henia.’ ”

Iesu ma ia haere henia, ia gwau, “Satani e, idau gabu dekenai oi lao, badina be Buka Helaga lalonai ia torea, ia gwau, ‘Lohiabada oiemu Dirava do oi tomadiho henia, ia sibona dekenai hesiai gaukara do ia karaia.’ ”

Iesu ia haere, ia gwau, “Inai hereva danu Buka Helaga dekenai ia torea, ia gwau, ‘Lohiabada oiemu Dirava dekenai do oi dibagania lasi.’ ”

Vadaeni Lauma Helaga ese taunimanima idia noho lasi gabuna dekenai Iesu ia hakaua lao, Satani ese do ia dibagania totona. Dina 40, hanuaboi 40, Iesu be aniani ia ania lasi, vadaeni ia hitolo mase.

Vadaeni idia dekenai ia hereva henia, ia gwau, “Lauegu murinai umui raka, lau be taunimanima haoda henia totona taudia do lau halaoa umui.” Vadaeni nega tamona idia ese edia reke idia rakatania, iena murinai idia raka.

Unai negana ia lao, Iesu ese ia haroro hamatamaia, ia gwau, “Emui lalona umui giroa, badina Guba Basileia be kahirakahira ia mai vadaeni.”