Popular Bible Verses from Яков 4

Share

Иим учрар Бурхна үгд орад, эрлгин өмнәс сөрлцтн, тер таднас цааран зулад әрлх.

Бурхн тал өөрдтн, болн Бурхн таднур өөрдх. Килнцтә улс һаран уһатн, хойр ухатань седклән цеврлтн.

Деед Эзнә өмн номһртн. Тиигхлә Тер тадниг деегшлүлх.

Зуг Бурхн маднд ик хәәртә. Тегәдчн Бурхна Бичгт иигҗ бичәтә: «Бурхн омгта улсин өмнәс сөрүцнә, зуг номһн улсиг хәәрлнә».

Сә кех зөвтәһән медә бәәҗ, сә эс кедг күн килнц һарһҗана.

Болв сурхларн авхшт. Яһад гихлә, тадн буру учрар сурнат. Эврәннь седвәрмүдән хаңһахар тиигнәт.

Итклтә биш улс! Кемр күн орчлңла үүрлхлә, Бурхнла өшәркнә. Энүг тадн медхшийт? Тегәд орчлңгин үр болхар седдгнь Бурхна өшәтн болна.

Маңһдур яһҗ бәәхән тадн медхшт. Тана җирһл-бәәдл утан мет невчкн зуур бәәҗәһәд тарҗ одна.