Popular Bible Verses from Яков 3

Share

Теңгрәс һарчах цецн ухата күн болхла, цевр, эвд дурта, номһн, тоолврта, өршәңгү, дала сән йовдл кенә, әмтнә чирә хәләҗ тедниг йилһхш, үннч седклтә.

Тадн дундас күн цецн ухата болн медрлтә болхла, цецн ухаһар үүдсн номһн бәәдләр дамҗад һарчах сән җирһләрн, цаһан йовдларн энүг үзүлтхә.

Үнн чик бәәдл гиснь – эвтәһәр тәрсн экнәс һарсн эвин көдләчнрин хадсн урһц.

Үлү үздг, бив гиһәд бәәдг әмтн бәәсн ормд оньдин диг-даран уга, ямаран чигн хорта йовдл һарна.

Келәрн бидн мана Деед Эзиг болн Эцкиг йөрәнәвидн, тер келәрн бас Бурхна дүрәр үүдәгдсн әмтиг харанавидн. Нег амнас дегц йөрәл болн харал һарна. Ахнр-дүүнр минь! Тиим юмн болх зөв уга.

Келн болхла һал мет. Келн хар санана күчн болад наадк мөчмүдин заагт эврәннь орман эзлнә. Эн цуг цогц-бийиг бузрдана. Келн мана җирһл бәәдлиг мөңк һалар шатана.

Зуг келиг номһрулҗ чадхш. Келн бәрҗ болшго хар саната юмн, тер үклд орулдг хорар дүүрң.

Ахнр-дүүнр минь! Таднас ик зунь багш болхар бичә зүтктхә. Яһад гихлә, бидн, багшнр, талдан улсас үлү шүрүтәһәр зарһла харһхиг тадн меднәт.