Popular Bible Verses from Nikamowina 139

Share

kimamihcimitin ayisk kita-kī-kostātikosiyan; kīkway ē‑tōtaman pītotēyihtākwan mīna mamāhtāwēyihtākwan. ēwako kwayask nikiskēyihtēn nitēhihk.

kisē-manitow, mahti nitawāpēna nimāmitonēyihcikan; kocihin mīna kiskēyihta nititēyihtamowin. nākatawēyimin mahti ē‑pimitisahamān maci-kīkway ēkwa kiskinohtahin anima mēskanaw kā‑itamok itē kā‑ayāyan.

kikī-osīhtān niyaw misiwē, kikī-osīhin mēkwāc nikāwiy ē‑kikiskawit.

kikī-wāpamin pāmwayēs ē‑nihtāwikiyān; nikīsikāma kā‑pakitinamawiyan iyikohk kita-pimātisiyān kikī-masinahēn pāmwayēs ē‑mācipayik nipimātisiwin.

hāw, kā‑tipēyihcikēyan, kikī-nitawāpēnawin mīna kikiskēyimin.

tānitē kita-kī-itāmoyān kita-tapasīstātān? tānitē kita-kī-itohtēyān ita ēkāya kita-ayāyan?

kikiskēyihtēn kahkiyaw kīkway kā‑tōtamān; āta wāhyaw ē‑ayāyan kikiskēyihtēn kahkiyaw kīkway kā‑māmitonēyihtamān.

kiyām āta pāmwayēs ē‑pīkiskwēyān āsay kikiskēyihtēn tānisi ē‑wī-itwēyān.

kiwāpamin ē‑atoskēyān ahpō ē‑ayiwēpiyān; kikiskēyihtēn ē‑itahkamikisiyān.