Popular Bible Verses from Mark 16

Share

ōmisi ēsa itēw, “itohtēk kita-nitawi-wīhtamawāyēkok kahkiyaw ayisiyiniwak misiwēskamik ōma miywācimowin.

aniki kā‑tāpwēhtahkik kita-miyāwak mamāhtāwisiwin, kita-wayawītisahwācik maci-ahcāhkwa niwīhowinihk ohci, kita-pīkiskwēwak oski-pīkiskwēwina. kīspin mosci-otinātwāwi kinēpikwa ahpō minihkwētwāwi piscipowin, namōya nānitaw kita-isi-māyi-tōtākwak; sāminātwāwi ayisiyiniwa kā‑āhkosiyit kita-miywāyāhēwak.”

ana awiyak tāpwēhtahki ēkwa sīkahāhtāci kita-pimācihāw; māka awiyak ēkāya tāpwēhtahki kākikē kita-ānwēyimāw.

kiskinohamawākanak kī‑sipwēhtēwak ē‑nitawi-kakēskimācik ayisiyiniwa piko itē, ēkwa kī‑wīcihēw kā‑tipēyihcikēt ēkwa ē‑wāpahtihiwēt ē‑tāpwēyit kā‑isi-kaskihtāyit mamāhtāwi-kīkwaya.

ēkwa ōmisi ēsa itēw, “ēkāya māmaskātamok, nikiskēyihtēn ē‑natonawāyēk ana Jesus, Nazareth ohci, kā‑kī-cīstahāskwātiht. kī‑āpisisin ana, namōya ōta ayāw, wāpahtamok ita kā‑kī-pimisimiht.

mitoni ayisk ē‑kosikwatit. ēkosi ē‑ati-takohtēcik ēkota wāpamēwak anihi mistasiniya āsay ohpimē ē‑kī-isi-tihtipinimiht. ēkosi ati-pīhtikwēwak sēkwātihkānikamikohk, ēkota wāpamēwak ē‑wāpiskasākēyit oskinīkiwa ē‑apiyit kihciniskihk itēhkē. mitoni ēsa māmaskātamwak!