Popular Bible Verses from Mark 14

Share

“hāw, nohtā,” itwēw, “kahkiyaw kīkway kikaskihtān, īkatēnamawin ōma kakwātakihtāwin; namōya niya kā‑isi-nitawēyihtamān, māka kiya ē‑isi-nitawēyihtaman kita-wī-tōcikātēw.”

asawāpik ēkwa ayamihāk ēkāya kita-sākōcihikoyēk kotēyimikowin. tāpwē kwayask kinōhtē-tōtēnāwāw, māka namōya kisōhkisināwāw kita-kaskihtāyēk,” itēw ēsa.

kikēhcināmitināwāw, piko itē ātotamihki ōma miywācimowin misiwēskamik, ōma otōtamowin kita-ātocikātēyiw ē‑kiskisitotāht ohci.”

ēkwa ōmisi itēw, “nipīkotēhān mihtātamowin ohci ēkwa nikwāyaki-wīsakiskākon. ōta kisātamok ēkwa asawāpik.”

ē‑mēkwā-mīcisocik, Jesus kī‑otinēw pahkwēsikana, ē‑kī-nanāskomot kī‑pahkwēnēw, ē‑miyāt okiskinohamawākana itēw, “otinihk awa; ēwako niyaw.”

ēkwa kī‑otinam minihkwākan, ē‑kī-nanāskomāt kisē-manitowa, kī‑miyēw ēkwa kahkiyaw kī‑minihkwēwak ēkota ohci. Jesus itēw, “ēwako ōma nimihkom kā‑sīkinikātēk mihcēt ohci, ē‑kīsastāhk kisē-manitow owīci-isīhcikēmitowin.

Jesus itēw, “kahkiyaw kika-tapasīnāwāw ēkwa kika-nakasināwāw, ayisk kihci-masinahikanihk itastēw, ‘manitow kita-nipahēw okanawimāyatihkwēwa, ēkwa māyatihkwak kita-siswēyāmowak.’

waniskāk ēkwa itohtētāk, awīta nāpēw kā‑misihit.”

Jesus itēw Petera, “kikēhcināmitin, anohc kā‑tipiskāk, pāmwayēs nāpē-pāhpahāhkwān nīswāw kitoci, nistwāw kika-ānwēhtēn ē‑kiskēyimiyan.”