Popular Bible Verses from Mark 13

Share

kahkiyaw ayisiyiniwak kika-pakwātikowāwak niya ohci. māka awiyak iskwēyānihk ē‑sōhkikāpawīstahk kita-pimācihāw.

aswēyihtamok, asawāpik, ayisk namōya kikiskēyihtēnāwāw ispīhk kika-ocihcipayik.

ēkwa ispīhk wiyasiwātikawiyēko, ēkāwiya sēmāk konita mikoskātēyihtamihikok tānisi ē‑wī-itwēyēk; otihcipayiki kita-pīkiskwēyēk, sōskwāc ati-itwēk anima kā‑miyikowisiyēk kita-itwēyēk, ayisk namōya kiyawāw kā‑pīkiskwēyēk, māka kā‑kanātisit ahcāhk.

kīsik mīna askiy kita-kīsipayiwa, māka nipīkiskwēwina namōya wīhkāc kita-pōnipayiwa.

“namōya awiyak ēsa kiskēyihtam anima kīsikāw ahpō tipahikan iyikohk kita-takohtēt ayisiyinīwikosisān, namōya ahpō okīsikowak kihci-kīsikohk ohci ēkwa okosisimāw, wiya piko ohtāwīmāw kiskēyihtam.

ēkwa ēkāya mikoskātēyihtamohkēk ispīhk pēhtamēko kisiwāk ē‑nōtinitohk ahpō ē‑ācimohk ē‑matwē-nōtinitohk wāhyaw askīhk. ohcitaw ēkosi kita-ispayik, māka namōya sēmāk ē‑wī-pōnaskīwahk.

asawāpik, ayisk namwāc kikiskēyihtēnāwāw ispīhk kā‑takohtēt ana kā‑tipēyihtahk wāskāhikan otākosiniyiki, ahpō āpihtā-tipiskāyiki, ahpō pē‑wāpaniyiki ēkwa sākāstēyiki. kīspin sisikoc takohtēci ēkāya ka‑miskākowāw ē‑nipāyēk. ōma kā‑ititakok ēkosi pēyakwan kahkiyaw ayisiyiniwak kiwīhtamātināwāw: asawāpik!”

piskihc askīhk ohci ayisiyiniwak kita-nōtinitowak; ayisiyiniwak pāh‑pītos okimāwi-tipēyihcikēwinihk ohci kita-nōtinitowak; ēkwa ōma askiy kita-nanamaskamikipayiw misiwē, kita-wīsakāhkatosowak ayisiyiniwak; ēkota kā‑mācipayik kakwātakihtāwin.

pāmwayēs pōnaskīwiki, piko miywācimowin kita-kakēskimihcik misiwē itē ayisiyinīskāhk.

mihcēt kita-pē-itohtēwak niwīhowinihk ohci, ē‑itwēcik ‘niya ēwako.’ ēkwa kita-cīsimēwak mihcēt ayisiyiniwa.

“kiyawāw mīna aswēyihtamāsok. kika-otinikawināwāw ēkwa kika-wiyasiwātikawināwāw. kika-pakamahokawināwāw ayamihēwikamikohk. niya ohci kika-wiyasiwātikowāwak onīkānīwak ēkwa kihci-okimāwak. ēkota kika-wīhtamawāwāwak kisē-manitow omiywācimowin.

ē‑kakwē-nanāspitawācik aniki onawasōnākana ēkwa okiskiwēhikēwa mastaw kita-mamāhtāwi-tōtamwak mīna kita-māmaskātikotāsowak. kita-ohci-kakwē-wayēsihācik kisē-manitow onawasōnākana kīspin kaskihtāwak.

“ēkospīhk ē‑kī-ati-pōni-kakwātakihtāhk, kīsikāwi-pīsim kita-wani-tipiskisiw, ēkwa namōya kita-nōkosiw tipiskāwi-pīsim. ēkwa acāhkosak kita-nīhcipayiwak kīsikohk ohci, ēkwa ōki kā‑pimipayihācik acāhkosa kita-wanipayiwak.