Popular Bible Verses from LUK 6

Share

Nen bete lawe na tangaloi wagineu, huri God vin bete lawe gimiu. Siu vin hogoni na nomiu gete, rain horo madiridiri ko rain rurungudu, ve nein he hako laire tea. Mwere nem tovo lawe na tangaloi wagineu, God vin tovo taligu lawe gimiu mwerehi.”

A tangaloi garea mo lai lue dena nona lalaie garea lolo lolona a gineu garea, ko a tangaloi esi mo lai lue dena nona lalaie esi a gineu esi. Huri a wuwana mo serelue na gineu teri a taqangine u horo ginie.

Hatie! Nen tabe ira nomiu tavului vuro ko nen vai garea lawera. Lune nem siregi na gineu, nen mese lado rarai huri taligu. Huri gimiu nein lei na gaitawe lawua, ko nein voragi ira netui God hageliu. Huri nge u garea meire hi rahe tabea tea ko meire hi rau esi.

Nen hahagavi, mwere i Tamamiu nge u hahagavi.

“Nen mese vevegi ra hine wagineu, huri God vin he vevegi gimiu tea. Nen mese veve asiesigi hine tea, huri God vin he veve asiesigi gimiu tea. Nen ladovohogi na bugui hine wagineu, huri God vin ladovohogi na bugumiu.

“Nge nam veve lawe gimiu hi nem rongoau vena: nen tabe ira nomiu tavului vuro, ko nen vai garea lawe rahine hi ram leomasi gimiu, nen veve gareagi rahine ram veve asiesigi gimiu, ko nen tataro hurire ram vaivei gimiu.

Vataha gineu nem tarani ve a tangaloi rain vei lawe gimiu, nen vai nomiu mwerehi lawera vage.

Tare ve ihine mo rabago lo balahemu tavulugi, gon siregi lawea ve na rabago lo tavulugi vage; tare ve ihine mo lai na gavumu, gon siregi lawea na luqemu vage. Gon bete lawe hine mo navu na gineu denigo, ko lune ihine mo lai na nomu gineu, mese hui huri teligu.

“A gai garea vin he wai na mwasigi tea u esi, ko a gai esi vin he wai na mwasigi tea u garea.

Nein ilo vurugegi na gai lo mwasigi. Ingeie he bitu na mwasi duledule tea dena garo kau, sige a mwasi duele tea dena moli gehu.