Popular Bible Verses from Kucangtsi 28

Share

Nung! Ame te fu ta tetso, ame u kyir fu ko aka ti afu a ru, ame u pu fu kafe ba ti riben wune. Ame u ya fu ta-m be, se ame a nde pu m meme iken ti ame yer unju te fu.”

Yaweh ama tsitsa risu kufwá wu u ri baa, “Ame ti si Yaweh, Rimam na abitse-fu Ibrahim, ti Ishaku. Ame u nda fu ti rishi-fu riben wu ti afu nae atang ne.

Ti Yakubu shwu kicwag, awu ri baa, “Kubenti, Yaweh ta uwog wune, ama ame nung-m be ara.”

Atang Yakubu yer unju te Yaweh baa, “Asiti Rimam a te m ta tetso, u kyir m uwae ikyin-m ti ame ku ru ne, ama u nda m wuci ti atupwa ti ame u si, ti ame a ru, u ka kafe ba ti kusog itse-m uwae kujimshwur, Yaweh u si Rimam-m, ama kutxom wu ti ame sa sim tsi ne u si kusog Rimam. Meme iken ti afu a nda m, ame u sa iken kinjo uwae rijwe na fu.”

Rishi-fu u jwunn pangma isa riben. Afu u ka ru usir ti kiskinn ti ti ureb, ti isi ti isku meme. Ande utense u tu itinyang ru uwog-fu ti rishi-fu.

Awu kunn rinyi uwog wu baa, Betel, ti imbyi-yi si “kusog Rimam”, amaa, kucang, a ku kunn rinyi uwog wu baa, Luzi.