Popular Bible Verses from aTitus 3

Share

Amma nizen iya a tin tonong yir ritek ne kushim Adakunom Aner Kashesh yir, a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas. Kabik Kazhe̱l yong ne a ti korok natoon yir ne̱k kamok ike̱ng iya aYeso Kiristi Aner Kashesh yir tá nye. A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

Yiir yiring ánerawe wan'e ye á ra fok áko̱k kasho̱o̱n ne áfe ágwo̱m kaben ba kuto, á ra kuus ike̱ng iya ba ta fe̱ ne á sor be kanye̱k kunye koakye i ta se gye̱r. Bun i fe̱ be ba ye sang a tu fe̱ amaan rife̱ baꞌ, á ra shim kusor caang ne á se whiwhe̱ be ánerawe ne á mees rice ba nasho̱o̱n koangan.

Amma kam be akikar afe rifunam ne aduk atin ne kafa iriri ízam atukop atukop be kuya nanan ne kuren natoon Itsi kamok ike̱re̱ kuri iyong nye ikpe̱de̱ng'e, i tin barang ike̱ng ikak baꞌ.

Aner aya a ta shim ku naka kaas, ke wan tu ko̱ro̱k kuto kutak kuzining, kutak kufe afa, ke a fok baꞌ, ne wan kam be wu.