Popular Bible Verses from aLuka 7

Share

Kamok anong mi ta ka tak ye, a mu ku re̱ng rine̱n wu ri ta se whe̱r kamok a tonong kushim dide̱ng. Amma afe a tú ku re̱ng rine̱n wu cie̱k, tonong kushim cie̱k mama tsek.” aYeso fe̱ be abining ame ye, “A ma ka re̱ng rine̱n wan.”

Ne aYeso fe̱ be abining'e ye, “Kuno̱o̱k katsak wan ma ka shesh, tseng caang.”

A tá te cing na atak aYeso a tá tos, ne nanyisi wu ni kpas natak aYeso, ne a re̱ng nanyisi'me be nakuyo̱ng wu, a kunung atak aYeso'me nong a tin kon name iko̱o̱n itek ame.

Ike̱ng i tá sak mi tá kyem i be̱ nufuan'ong baꞌ, fe̱re̱ng tsek asam'i tà te atser. Kamok mi gip, akak ti nye rigwo̱m ni mi ne mi min i nye rigwo̱m na ákak. Ke mi fe̱ be ayu ye, a ra tseng, ne a tseng, ne i fe̱ be akak ye, a ra be̱, ne a be̱. Ke mi fe̱ be asam mi ye, a ra nye iyu, ne a nye.” aYeso tá fa fok anong ne a te zhing, ne a kirik a tá fe̱ be rigwo̱m ánerawe a tú ku kuus ame ye, “Mi ta ka tak yin, mi kun di aner akak kaye̱e̱r áner Isarela afe a ta be kuno̱o̱k katsak be agap kyo̱ndi aner na baꞌ.”

Nizen iyong aYeso sak áfe a tá nye atser baꞌ, be áfe iriri iro̱k whe̱re̱ tá te atser, ne a turung amaan nabik, ne a sak ákpato̱o̱n whe̱r tá di karo̱. Ne a fe̱ be áner a tú ku tom ba ame ye, “Ku bun yin, ta su ku tak yin aYohana ike̱re̱ yin tá di yin ne i foos yin, akpato̱o̱n se̱ kudi karo̱, ne ákun tseng gye̱r, ákparo̱ng te atser, ágbato fok kuto, ikom dorok be kutser, ne a taas áfe rizor Rife̱ Ritek.