Popular Bible Verses from 1 Koranti 1

Share

Zang ɓɔɔ zang koo ri zi ri naa ri shoko, Laa shɛ̃ɛrɛ rikɔ nɛɛ ri nwang zang ɓiɓɛ, nɛɛ tɔ̀ɔ yusɛ̃ɛ wu tuu zang ɓɔɔ nɛɛ ri zũng katɔ ɓɛɛ kati. Ti shɛ̃ɛrɛ zang ɓɔɔ ri lakɛ naa ka bii kpang, ka koo keɓe kɔ jong, nɛɛ tɔɔ yusɛ̃ɛ wu tuu zang ɓɔɔ ri lakɛ dɔɔli ɓɛɛ.

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

Vuu ɓɔɔ nwàng ka jĩng shɔnzang naa Laa palɛ vuu shoko ɓɛɛ, vuu shoko keɓe ɓa zũnang shɔnzang katɔ. Vuu ɓɔɔ shɔnzang zirɛ kɔɔ nɛɛ Laa lakɛ naa ɓi bii kpang, ɓa vuu ɓɔɔ shɔnzang ɓɔɔ lakɛ dɔɔli palɛ ɓɛɛ katɔ.

Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

Nɛɛ nɔngkɔ, zang ɓɔɔ ri zũng katɔ ka koo keɓe, zũnang ɓarɛ kaa waati, zang ɓɔɔ ri tusu zang nyaa dannang zang Yahudi zũnang ɓarɛ ti waati, zang ɓɔɔ ri ti làá zang nyaa ka koo keɓe zũnang ɓarɛ doo waati kɔ. Laa tusu ruu tɔ nɛɛ zũnang zang koo keɓe, ɓi naa ɓɔɔ shoko waati.