Popular Bible Verses from Psalmyn 40

Share

Ren mee farkiaght dy-surransagh er y Chiarn: as deaisht eh rhym, as cheayll eh my eam. Hug eh lesh mee neesht magh ass y lhag atchimagh, magh ass y lhaagh as y chray: as hoie eh my chassyn er y chregg, as ren eh my immeeaght y oardrail.

As t’eh er choyrt arrane noa ayns my veeall: dy-jarroo, toyrt-booise gys y Jee ain.

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Toyrtys casherick as bee-oural cha baïlts: agh my chleayshyn t’ow er vosley.

Ta mee er hoilshaghey dty chairys ayns y chaglym mooar: cur-my-ner, cha gum-ym my veillyn, O Hiarn, as shen ta fys ayd er.