Popular Bible Verses from Psalmyn 34

Share

Ta’n Chiarn er-gerrey dauesyn ta jeh cree brisht: as sauee eh nyn lheid as ta jeh spyrryd imlee.

Hirr mee yn Chiarn ayns padjer, as cheayll eh mee: as ren eh m'y livrey veih ooilley my aggle.

S’mooar ta seaghyn y fer-cairal: agh ta’n Chiarn cur feaysley da assdoo ooilley.

O blasht-jee, as jeeagh-jee, cre cha graysoil ta’n Chiarn: bannit yn dooinney ta coyrt e varrant ersyn.

Yeeagh ad seose huggey, as hooar ad soilshey: as cha row ny eddinyn oc naaragh.

Ta’n sleih cairagh jannoo aghin, as ta’n Chiarn cur clashtyn daue: as dy livrey ad ass ooilley nyn seaghyn.

Ta ainle y Chiarn freayll arrey mygeayrt-y-moosyn ta goaill aggle roïsh: as dy livrey ad.

Shaghyn dagh olk, as jean dy-mie: shirr lurg shee, as cur eh er y hoshiaght.

Smaght dty hengey veih olk: as dty veillyn, nagh loayr ad foalsaght erbee.

Ta sooillyn y Chiarn harrish y sleih cairal: as ta ny cleayshyn echey foshlit gys nyn badjeryn.

O moylley-jee yn Chiarn mârym: as lhig dooin ard-voylley ’choyrt da’n Ennym echey ry-cheïley.