Popular Bible Verses from Luki 4

Share

Marige Alatala Hakkili saniyandeŋɛ be n fɛ, bayi a ka n masubɛ kibaru ɲinma lake koe la tɔɔrɔbaganu ma. A bata n sɔ kiilaya la, n ni a fɔ bolo tɔ mɔgɛnu ye anu si kunka. N ni a fɔ ɲabɔnɛnu ye anu ɲa si laka. Nɔɛ be saren minnu ma n ni a fɔ wonu ye anu si hɔrɔya. Wo butɔ, n ni kibaru ɲinma lake anu ma, ka a fɔla Marige Alatala la Hɔrɔya Saŋɛ bata ke.

Isa ka a jaabi, a ko: «A be sɛbɛren de kitabue tɔ: I ni sujudu i Marige Alatala le ye, i ni ale dɔrɔn de batu. »

Isa ka a jaabi, a ko: «A be sɛbɛren Ala la kitabue tɔ: Mɔgɛ te balu dɔmɛ pɛti la. »

Isa bɔɔta Yurudɛn kɔɛɛ dala, Ala Hakkili saniyandeŋɛ be jigiren Isa ma. Ala Hakkili saniyandeŋɛ be Isa kun sɔren janfue butɔ la.

Isa ka a jaabi, a ko: «Kitabue ko: I kana i Marige Alatala laɲini. »

Sentanɛ to bata ban korila Isa latantan fɛrɛ ma, a bɔɔta a kɛnna han tɛmu do.

Wo kɔma, Sentanɛ ka a doni kan toireŋɛ tɔ, a ka dunuya jamanɛ bɛ yita a la kisanna. A ka a fɔ a ye: «N si kɛ jamanɛnu nun a mansaya nun a harige bɛ dii i ma. A bɛ be donden nde le bolo, ka n dita a diila min yo ma, n be a diila wolo ma. Wo butɔ, ka i sujuduta n ɲɛ, i ka n batu, a bɛ si ma i tɛŋɛ la.» Isa ka a jaabi, a ko: «A be sɛbɛren de kitabue tɔ: I ni sujudu i Marige Alatala le ye, i ni ale dɔrɔn de batu. »

Wo kɔma, Sentanɛ ka a doni Darisalamu, a ka a lasɔ Ala batu bon banba kun tɛma, a ka a fɔ a ye: «Ka Ala la den kayireŋɛ le mu i la, tun yan i ni sɔrɔn duge tɔ. Kaa Ala la kitabue bele a fɔren de: ‹A si a la malekanu yamɔri le i la ko la, alako anu ni i kanta.› Anun: ‹Anu si i tanbɛ le anu bole tɔ, alako i kana i kɛn natugu kure la.› » Isa ka a jaabi, a ko: «Kitabue ko: I kana i Marige Alatala laɲini. »