Popular Bible Verses from Kiilanu 1

Share

Kɔnɔ wo si sɛnbɛ sɔtɔ Ala Hakkili saniyandeŋɛ kan ma min si naa jigi wo ma, wo butɔ wo si naa ma n na seedenu la Darisalamu saa butɔ, anun Juda duge bɛ tɔ, anun Samari duge bɛ han ka sigi dunuya daŋɛ la.»

A ka anu jaabi, a ko: «N Baaba dɔrɔn de be a la wagatenu nun a la tɛmuɛnu masubɛla a la mansabaya saniyandeŋɛ tɔ, wole hajue kana to wonu lɔn koe ma.

Lun do, Isa nun anu la talibenu be madɛnden dɔmɛ dɔmɔ koe la, a ka anu yamɔri anu kana bɔɔ Darisalamu, a ko anu ma: «Wo ni wo hakkile to lahire ma Baaba be min jiganden wo ye, iko n ka a fɔ wo ye ki min na. Yaya ka mɔgɛnu lasuwɛ je le tɔ, kɔnɔ wole kan, Ala si naa Hakkili saniyandeŋɛ le lajigi wo ma, a te tele siyama bɔɔ bitugun.»

A la faga ɲagankata kɔma, a bɔɔta anu ma a kende la. Tele bi naani kɔtɔ, a tota a fan yitala le anu la seedeɲɔgɔya banba la, a mɛn be Ala la mansabaya la ko fɔla anu ye.

Isa la bandeŋɛ wo fɔla, Ala ka a layɛlɛ saŋɛ tɔ, anu be balaren a ma han luuture ka a dogon anu la.

Anu ɲanu to be sɔren saŋɛ la, Isa be yɛlɛla ka min, kayi fila bɔɔta anu ma kisanna, donfeŋɛ beema be lajigiren anu ma. Wonu ka a fɔ: «Galile kaanu, wo be sɔren yan fenna wo ni to balaren saŋɛ ma? Ale Isa min bɔɔta wo tɛma, Ala ka min nayɛlɛ saŋɛ tɔ, a mɛn si tajigi le iko wo ka a yen yɛlɛla saŋɛ tɔ ki min na.»