Popular Bible Verses from ಮಾರ್ಕ 4

Share

ಯೇಸು ಎದ್ದಿತ್, ನಿಪ್ಪಂಜಿ, ಗಾಳಿನ ಚೂಕಿತ್, ಕೆರೆನ ನೋಟಿತ್: ಶಾಂತ ಆಯಿರ್, ಮುಂಡತೆ ಇರ್‍ೕಂದ್ ಹುಕುಮ್ ಕೊಡ್‍ತತ್. ಅಕ್ಕನೆ ಗಾಳಿ ನಿಂದಿತ್ ದುಂಬ ಶಾಂತವಾಚಿ. ಯೇಸು ಅಂವೊಂಡ ಶಿಷ್ಯಂಗಕ್ ನಿಂಗಕ್ ಇಂಞು ನಂಬಿಕೆ ಬಂದಿತ್‌ಲ್ಲೆಯಾ? ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟತ್.

ಅಯಿಂಗಕ್ ದುಂಬ ಪೋಡಿ ಆಯಿತ್, ಆಶ್ಚರ್ಯ ಆಯಿತ್: ಗಾಳಿಯು ಅಲೆಯು ಇಂವೊಂಗ್ ಬಗ್ಗಿತ್ ನಡ್‍ಂದಂಡುಂಡಲ್ಲ, ಈ ಮನುಷ್ಯ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡಿಂಜ‌ತ್.

ಯೇಸು ತಲೆಮೆತ್ತೆರ ಮೇಲೆ ಮಂಡೆ ಬೆಚ್ಚಂಡ್ ದೋಣಿರ ಇಂಞೊರ್ ಮೂಲೆಲ್ ವರಿಯಂಡ್ ಇಂಜತ್. ಯೇಸುರ ಶಿಷ್ಯಂಗ ಬಂದಿತ್ ಯೇಸುನ ಎಪ್ಪ್‌ಚಿಟ್ಟಿತ್, ಉಪಾದ್ಯನೇ, ನಂಗ ಚಾವದ್ ನೀಕ್ ಬೇಜಾರಾಪ್‌ಲ್ಲೆಯಾಂದ್ ಕ್‍ೕಟತ್.

ಇಂಞು ಅಯಿಂಗಳ ಅಂವೊ ನೋಟಿತ್ ಎಣ್ಣ್‌ಚಿ; ನಿಂಗ ಜಾಗ್ರತೆಲ್ ಕ್‍ೕಳಿ, ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ, ಇಂಞು ದುಂಬ ಮ‌ಡುವ.

ಯೇಸು ಇನ್ನನೆ ಬೋದನೆ ಮಾಡಿಯಂಡಿಂಜತ್. ದೇವಡ ರಾಜ್ಯ ಎನ್ನನೆ ಉಂಡ್‍ೕಂದ್ ಎಣ್ಣ್‌ಚೇಂಗಿ ಒರ್ ಮನುಷ್ಯ ಕುರುನ ಅಂವೊಂಡ ಬೇಲ್‍ಕ್ ಬಿತ್ತ್‌ವನೆಕೆ. ಅಂವೊ ಬೈಟಾಪಕ ಬುದ್ದಂಡ್ ವರಿರುವ. ಪೊಲಾಕ ಎದ್ದಿತ್ ನೋಟ್‌ವಕಾಪಕ ಅಂವೊಂಗ್ ಗೊತ್ತಿಲ್ಲತನೆಕೆ ಕುರು ವಡಂದಿತ್ ಮೊಳಕೆ ಬಂದನೆಕೆ ಆಪ.

ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.