Popular Bible Verses from Markus 2

Share

Ig Kiyavwiye Jesus timapni hene, ig kaytwa giwnkis. Ig awna ta gitkis: — Hiyeg kane kibeynevwima ignes kewa hiyeg kakahribdavyebe. Igkis muwaka pahavwi ayta amnihgikis. Ignesme hiyeg makniwyevwi igkis ka muwaka mekseh. Ignesme hiyeg kakahribdavye igkis muwaka mekseh. Nah ka ayta adahan nah humeknema ku pariye hiyeg kibeynevwi kuwis adahan ignes wageswiyes gihiyekemnikis. Heneme nah ayta adahanikwa nah humekwiye neras ku pariye taraksavye adahan ignes wageswiyes gihiyekemnikis.

Ig Kiyavwiye Jesus hiyapni hene ku samah gikamaxwankis givitit, ig awna ta git awayg miyavuvye. Giwn: — Nukebyi, nah bayahminap ariw pitaraksan gikak Uhokri.

Ayteke ig Kiyavwiye Jesus awna ta gitkis akiw. Giwn: — Samdi humaw gidahankis hiyeg. Hiyeg ka humaw adahanma samdi.

Igkis ka hiya igkisma danuh ta givetunat Kiyavwiye Jesus awaku ba akebentenwa hiyeg ayge. Igkis hiyapni hene, igkis hiyak ku pariye igkis keh. Igkis wagehe ta inut ta amadgat payt ahigwi. Ayge igkis wiwhe avettak payt. Igkis keh pahayku miyokwiye givitmin Kiyavwiye Jesus. Pisenwa igkis wiwhkise ner miyavuvye ariku miyokwiye peyeke akak gisivamna.

Nah hiyapkiste yit ku Nah, ku pariye wageswe awayg amadgaya inin, nahnewa detye amadga inin adahan nah bayahminene hiyeg ariw gitaraksankis gikak Uhokri. Ayteke ig awna ta git ner awayg miyavuvye. Giwn: — Kannikaw. Kidis pisivamna. Hiyawa pis diyuhe pivinwate.

Mmah yivewkan ku in mahiko nudahan nah bayahmina ig awayg miyavuvye ariw gitaraksan? Ku yis hiyap nah hiya gikankasak nah keh ig kidis gisivamna ig wew akiw, ininkata akiw nah ka dat adahan nah bayahminig ariw gitaraksan?

Aynewa ig awayg kannikew, ig iwe gisivamna. Ig tivik wew giwtrikneswa hiyeg. Igkisme hiyapni hene, igkis wakaymnibdi. Igkis kabayha Kiyavwiye Uhokri. Igkis awna: — Usuh ka hiyapti akebi inin. Kabahte usuh ka ihpin.