Popular Bible Verses from Markus 14

Share

Ig awna: — Pa, Niguh, madikte arikna ka mahikonema pidahan. Ik adahan pis mpitha ini mbeyne danuh nutuh. Ku pis mpithekere, uya amnihun mpithin nudahan. Heneme ku in pimawkanwa in danuh nutuh, ka sam in danuh nutuh. Nah ka kehkere nudahan nubetki. Heneme nah kehkere pidahanwa pibetki.

Avuriwnabay piriyepkawnay marihwa yis ka isaksaw arit mbayka. Yitip ka isaksawkere arit mbayka heneme yivit amadgaya inin ik adahan isaksaw arit mbayka mmanawa yis yuma yawaygisima nitivut.

Aysawnemenek hiyeg ekkene kibeyne inetit numinuh muwapuw amadga inin. Amun ini ginetnikis ignes kinetihwanek amin inin kabayka ku pariye eg keh nukakuh. In gukehni misakwa akiwka akiwkanek. Ihanabay inakni nuwnuh. Henewatbaki in misakwa.

Ig awna gitkis: — Nah wakaymni mpinevevye avit nuyakni. Ini nuvewkan umehpen pahayewvi. Nah tahan piriyepkawte. Yisme misakwa aynewa. Misakwanay avuriw adahan yis piriyepkaw payak nukakuh.

Ku samah igkis axnes ayge, ig Kiyavwiye Jesus iwe pahak bugut. Ig kabayha Kiyavwiye Uhokri. Ayteke ig sigkebdihe ini bugut, ig ibekhepni givuwiwkis giwatnivwi. Ig awna gitkis: — Ahah. Inin bugut in nihuh yidahan. Amavanay inin bugut, axnay niwntak.

Pisenwa gibakhan ini bugut, ig iwe pohow higeptet. Ig kabayha Kiyavwiye Uhokri. Ig ikepni givuwiwkis. Igkisme higa ariwntak nor higeptet. Igme awna gitkis: — Inin win in numiguh yidahan. Ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. Nahme pahavwiwa nah sukase numiguhnek gidahankis ka aynsima hiyeg kahadbe ini gahegbetawni in humaw.

Ayge ig Kiyavwiye Jesus awna gitkis: — Ku avim inin yis madikte ikiswenek. Mmanawa Uhokri gannasan kinetihwa hene. In awna: “Nah umahkise ner muwtohvutne. Ayge nikwe givigvu muwtoh madikte ibekhewbetnek.”

Kannikawnay. Uyay patiptakigkis. Ivegnay atere. Ig nukamaykiswitni nehmnik.

Igme Kiyavwiye Jesus kaytwa giwn: — Ku avim inin mitipka pis wihwe nuwhunek. Avit takarak awna pimavut gawnan pisme ayiva wihwe nuwuhnek mpamavut. Ihanaba inakni nuwnuh. Henewatbaki pis wihwe nuwhunek.