Popular Bible Verses from Mark 13

Share

Ilipfilu nagugiyauyunaituhi tamainin atiga pivlugu, kinalikalunin ukpeguegngitkumi annauyyauniaktuk.

Talva upingakhitailuhi pivikhamik ilihimangnginapfi.

Inuillu kagitipahi apekhuiyinun hivullengmik ukaktukhapfingnik ihumaluktailuhi, ukakpagluhi tapfumani ihumapfingnik Anengnim Naguyum ukaktiniagmahi.

Kilak nunalu nunguniaktuk ukauhitkali nunguyunaitagaluit.

Uvlungmik pivikhamiklunin tapfuminga tamangmik ilihimangngitun ihalgulgit, kilangmiitun, Godin engnigalunin, tapfuma angutaa kihimi ilihimayugaluak.

Tuhaagupfilu anguyaktutigun, anguyaktun unipkautaitigunlu ekhiukpallaaktailuhi tapkua tuhaanangniagmata, nunaum ihua tikingitugaluak.

Amekhigitti talva atangum iglukaktum tikitakhaanik ilihimangnginapfi, uvlailgun, unuktillugulunin uvlaakunlunin, kaulgaktinagulunin. Amekhigitti tauktugnakhavaahi hiniktilluhi. Tamna ukaktaga ilipfingnun tamainun ukagaluaktunga, 'Amekhigitti”.

Nunakatigit allat anguyautiginiaktain, atanguvillu allanun anguyautingnangniaktun. Tamainilu nunat ingutakhunguyun, inuit akeaguakhunguyullu. Taimatun aiyungnagnigit pinahualektun.

Godim ukauhiillu ukaktauyukhauyugaluit hivullengmik nunakatigingnun tamainun.

amigaitun kaithungumata atipkun ukakhutik, 'Christiuyunga uvanga' ulamnektitumavlugit amihun.

“Ilipfingnigli upingakhitailuhi, inuit kagitiniagmahi katimavingnun. Atugvingnilu ungulaktauniaktuhi, aahin atanit, atanekpailu tungani nangegniaktuhi tapkua ukauyyaukuvlugit ilipfingnin.

Ilait Christiungitun nalautaiyimaluktunlu kaitauniaktun naunaikkutanik hapengnaktuniglu havaglutik ulamnektikuvlugit pilluakhimayunlunin tuhaapata.

“Uvlunili tapkunani aiyukangnangnigit kinguatigun hikenek taakhiniaktuk tatkeglu kaumayunaektuk. Uvlugiayyallu kilangmin iyukakhunguyun, kilaumlu hakugigningillu ingutaklutik.